English | Telugu
ఘనంగా నార్నే నితిన్ నిశ్చితార్థం.. ప్రత్యేక ఆకర్షణగా ఎన్టీఆర్!
Updated : Nov 3, 2024
యంగ్ హీరో నార్నే నితిన్ పెళ్లి పీటలెక్కుతున్నాడు. నేడు హైదరాబాద్ లో నిశ్చితార్థం ఘనంగా జరిగింది. ఈ వేడుకలో జూనియర్ ఎన్టీఆర్ కుటుంబంతో పాటు, ఇరు కుటుంబ సభ్యులు, బంధువులు, సన్నిహితులు పాల్గొన్నారు. (Narne Nithin Engagement)
జూనియర్ ఎన్టీఆర్ సతీమణి లక్ష్మీప్రణతి సోదరుడు నితిన్ అనే విషయం తెలిసిందే. ఈ ఎంగేజ్మెంట్ కార్యక్రమంలో ఎన్టీఆర్ ఫ్యామిలీ ప్రత్యేక ఆకర్షణగా నిలిచింది. భార్య లక్ష్మీప్రణతి, కుమారులు అభయ్ రామ్, భార్గవ్ రామ్ తో కలిసి ఎన్టీఆర్ సందడి చేశాడు. దీనికి సంబంధించిన ఫొటోలు, వీడియోలు సోషల్ మీడియాలో వైరల్ గా మారాయి. ఎన్టీఆర్ క్లాస్ లుక్ లో కనిపిస్తున్నాడు.
'మ్యాడ్' వంటి సూపర్ హిట్ ఫిల్మ్ తో టాలీవుడ్ కి పరిచయమైన నితిన్, ఇటీవల 'ఆయ్'తో మరో విజయాన్ని ఖాతాలో వేసుకున్నాడు. నితిన్ పెళ్ళాడుతున్న యువతిది నెల్లూరు అని, హీరో వెంకటేష్ కి బంధువులని తెలుస్తోంది.