English | Telugu
రామ్ చరణ్ ప్లేసులో హృతిక్ రోషన్
Updated : Jul 10, 2014
‘జంజీర్’ చేస్తున్న సమయంలో రామ్ చరణ్ కు బాలీవుడ్ లో మరో సినిమా అవకాశం కూడా వచ్చిందని వార్తలు వచ్చాయి. జోధాఅక్బర్ సినిమా దర్శకుడు అశుతోష్ గోవారీకర్ ఆ ఆఫర్ ఇచ్చారని అప్పట్లో మీడియాలో కథనాలు వెలువడ్డాయి. చరణ్ కూడా ఈ సినిమా గురించి అవును, కాదు అంటూ సూటి సమాధానాలు ఏవీ ఇవ్వలేదు. మగధీరా తరహాలో భారీ బడ్జెట్ తో ఆ సినిమా రూపొందుతుందని బాలీవుడ్లో చెప్పుకున్నారు. మెగాహీరోకి మరో బాలీవుడ్ మెగా ఆఫర్ వచ్చిందని అభిమానులు గంతులు వేశారు.
ఆ తర్వాత చెర్రీ తన తర్వాత ప్రాజెక్ట్స్ మీద ఫోకస్ చేస్తు వున్నారు. ఈ గ్యాప్ లో ఆ సినిమా సంగతి అందరూ మరిచిపోయిరు. ఇప్పుడూ అశుతోష్ తన కొత్త సినిమా వివరాలు బయట పెట్టడంతో ఈ విషయం మళ్లీ టాలీవుడ్ లో చర్చకు వచ్చింది. అనుకున్నట్లుగానే అశుతోష్ ఒక భారీ బడ్జెట్ చిత్రాన్ని రూపొందించెందుకు సిద్ధమవుతున్నారు. అయితే ఈ చిత్రంలో హీరోగా హృతిక్ నటిస్తున్నారు. ఈ సినిమాకు ఆయన 50 కోట్ల రెమ్యునరేషన్ కూడా తీసుకుంటున్నారని అక్కడి మీడియాలో వార్తలు వస్తున్నాయి. దీంతో జంజీర్ తర్వాత రామ్ చరణ్ బాలీవుడ్లో మళ్లీ ఎప్పుడు నటిస్తారనేది ప్రశ్నగానే మారిందని చెప్పాలి.