తమిళ హీరో ధనుష్ 31వ పుట్టినరోజును చాలా సింపుల్ గా జరుపుకున్నారని తెలుస్తోంది. జూలై 28న ఆయన పుట్టినరోజును కుటుంబసభ్యులు, మిత్రుల మధ్య జరుపుకున్నట్లు సమాచారం. ముంబాయిలో 'షమితాబ్' సినిమా షూటింగ్లో బిజీగా వున్న ధనుష్ పుట్టినరోజును కుటుంబసభ్యులతో జరుపుకునేందుకు చెన్నై వచ్చారు. ఈ లోపు ధనుష్ భార్య ఐశ్వర్య ఆయన కోసం సర్ప్రైజ్ పార్టీ ఏర్పాటు చేశారట. ఈ పార్టీలో ధనుష్ కుటుంబ సభ్యులతో పాటు తమిళ సినీ పరిశ్రమకు చెందిన శింబు, శ్రియా, అమలాపాల్ తదితరులు కూడా హాజరైనట్లు తెలుస్తోంది. హీరో విజయ్ సహా పలువు సినీ ప్రముఖులు ఆయనకు సోషల్ మీడియా ద్వారా పుట్టినరోజు శుభాకాంక్షలు తెలిపారు.
ఇటీవలే విడుదలైన తమిళ చిత్రం 'విఐపి' భారీ కలెక్షన్లు రాబడుతోంది. ధనుష్ కోలీవుడ్ తో పాటు బాలీవుడ్ అవకాశాలు చేజిక్కుచ్చుకుని సక్సెఫుల్ సాగిపోతున్నారు. దీంతో ఈ ఏడాది ఆయనకు చాలా ప్రత్యేకమైందని చెప్పాలి.
