గ్లోబల్ స్టార్ రామ్ చరణ్(Ram Charan)ఇండియన్ సినీ పరిశ్రమ గర్వించదగ్గ డైరెక్టర్ శంకర్(Shankar)కలయికలో తెరకెక్కిన ప్రెస్టేజియస్ట్ పాన్ ఇండియా మూవీ గేమ్ చేంజర్(Game Changer)సంక్రాంతి కానుకగా ఈ నెల 10 న విడుదల కాబోతున్న ఈ మూవీపై చరణ్,శంకర్ అభిమానులతో పాటు ప్రేక్షకుల్లో కూడా భారీ అంచనాలు ఉన్నాయి.శ్రీ వెంకటేశ్వర క్రియేషన్స్ పతాకంపై రూపొందుతున్న ఈ ప్రతిష్టాత్మక 50 వ చిత్రాన్ని దిల్ రాజు(Dil Raju)అత్యంత భారీ వ్యయంతో నిర్మించాడు.ఇక ఈ మూవీకి బెనిఫిట్ షో తో పాటు మొదటి రెండు వారాలు టికెట్స్ ధరలు పెంచుకునేలా ఏపీ ప్రభుత్వం అనుమతిని ఇచ్చింది.కానీ తెలంగాణాలో మాత్రం ఇక పై బెనిఫిట్ షో తో పాటు టికెట్ రేట్స్ పెంపు ఉండదని అసెంబ్లీ సాక్షిగా ముఖ్యమంత్రి రేవంత్ రెడ్డి చెప్పిన విషయం తెలిసిందే.ఇందుకు కారణం పుష్ప 2 బెనిఫిట్ షో సందర్భంగా హైదరాబాద్ సంధ్య థియేటర్ లో జరిగిన ఘటననే అనే విషయం తెలిసిందే.

నిర్మాత దిల్ రాజు రీసెంట్ గా పాత్రికేయులతో ముచ్చటించడం జరిగింది.అందులో ఆయన మాట్లాడుతు ఆంధ్ర ప్రదేశ్ లో టికెట్ రేట్స్ పెంచుకోవడానికి అక్కడి ప్రభుత్వం అనుమతి ఇచ్చింది.కానీ తెలంగాణాలో ఆ వెసులుబాటు ఉండదని ముఖ్యమంత్రి రేవంత్ రెడ్డి ఇప్పటికే చెప్పాడు.కానీ మరోసారి రేవంత్ రెడ్డి ని కలిసి టికెట్ రేట్స్ గురించి చర్చిస్తాను,ఆయన పెంచడం కుదరదని అంటే మాములు రేట్స్ తోనే రిలీజ్ చేస్తామని చెప్పుకొచ్చాడు.

దిల్ రాజు సుమారు మూడు సంవత్సరాలు కష్టపడి సుమారు మూడువందల కోట్ల రూపాయిలపైనే బడ్జెట్ తో గేమ్ చేంజర్ ని నిర్మించాడు.ఓన్లీ సాంగ్స్ కే 75 కోట్లు ఖర్చు చేసారంటే గేమ్ చేంజర్ మూవీ ప్రత్యేకతని అర్ధం చేసుకోవచ్చు.థమన్(Thaman)సంగీత సారధ్యంలో తెరకెక్కిన ఈ మూవీలో కియారా అద్వానీ(Kiara adwani)అంజలి(Anjali)హీరోయిన్లుగా చెయ్యగా ఎస్ జె సూర్య(S.J Surya),శ్రీకాంత్,సముద్ర ఖని, పృథ్వీ,సునీల్ తదితరులు ముఖ్య పాత్రలు పోషించారు.