English | Telugu
నాగచైతన్య దడ ఆడియో రిలీజ్
Updated : Jul 25, 2011
నాగచైతన్య "దడ" ఆడియో రిలీజ్ అయ్యింది. వివరాల్లోకి వెళితే కామాక్షీ కళా మూవీస్ పతాకంపై, యువహీరో నాగచైతన్య హీరోగా, ముంబాయి ముద్దుగుమ్మ కాజల్ అగర్వాల్ హీరోయిన్ గా, అజయ్ భూయాన్ ని దర్శకుడిగా పరిచయం చేస్తూ, డి.శివప్రసాద్ రెడ్డి నిర్మిస్తున్న చిత్రం "దడ". నాగచైతన్య "దడ" చిత్రాన్ని మలేసియా, బ్యాంకాక్, అమెరికా, హైదరాబాద్ లలో చిత్రీకరించారు. నాగచైతన్య "దడ" చిత్రంలో శ్రీరామ్, అక్ష హీరో నాగచైతన్యకి అన్న, వదినలుగా నటిస్తున్నారు. నాగచైతన్య "దడ" చిత్రానికి యువ సంగీత తరంగం దేవీ శ్రీ ప్రసాద్ చక్కని సంగీతాన్ని అందించారు.
జూలై 25 వ తేదీన, హైదరాబాద్ శిల్పారామంలో కల శిల్పకళా వేదికపై, నటసామ్రాట్, పద్మభూషణ్, డాక్టర్ అక్కినేని నాగేశ్వరరావు చేతుల మీదుగా, మూవీ మొగల్ డాక్టర్ డి.రామానాయుడు అందుకోగా, అశేష అక్కినేని అభిమానుల సమక్షంలో ఘనంగా మార్కెట్లోకి విడుదల చేయబడింది.ఈ నాగచైతన్య "దడ" చిత్రం ఆడియో రిలీజ్ కు యువ హీరోలు రానా, సుశాంత్, నిర్మాతలు డాక్టర్ కె.యల్.నారాయణ, అల్లు అరవింద్, కె.అచ్చిరెడ్డి, పాటల రచయిత రామజోగయ్య శాస్త్రి, మాటల రచయిత అబ్బూరి రవి తదితరులు హాజరయ్యారు.