ప్రముఖ సినీ సింగర్ చిత్రకు పుత్రికా వియోగం జరిగింది. వివరాల్లోకి వెళితే తెలుగు, తమిళ, కన్నడ, మళయాళ, హిందీ భాషల్లో కొన్ని వేల పాటలు పాడిన ప్రముఖ సినీ ప్లే బ్యాక్ సింగర్ చిత్ర దుబాయ్ కి ఒక సంగీత విభావరి నిమిత్తం వెళ్ళారు. ఈ సంగీత విభావరిని ప్రముఖ సంగీత దర్శకులు ఎ.ఆర్.రెహమాన్ నిర్వహిస్తున్నారు. దుబాయ్ కి తన తల్లి సింగర్ చిత్రతో పాటు అక్కడికి ఆమె ఏకైక కుమార్తె నందిని కూడా వెళ్ళారు.

ప్రస్తుతం స్కూళ్ళకు వేసవి శలవలు కావటంతో చిత్ర కూడా తన కుమార్తెను తనతో పాటు దుబాయ్ కి తీసుకెళ్ళారు. అక్కడ స్విమ్మింగ్ పూల్లో ఏప్రెల్ 14 వ తేదీ, గురువారం నాడు ఈత కొట్టటం కోసం వెళ్ళిన సింగర్ చిత్ర ఏకైక కుమార్తె ఎనిమిదేళ్ళ నందిని ప్రమాదవశాత్తూ మరణించారు. అత్యంత ప్రేమగా పెంచుకునే తన ఏకైక కుమార్తె నందిని మరణించటంతో సింగర్ చిత్ర కన్నీరు మున్నీరుగా విలపిస్తున్నారట. సింగర్ చిత్రకు తెలుగువన్ ప్రగాఢ సానుభూతిని తెలియజేస్తోంది.