పూరీ జగన్నాథ్ దర్శకత్వంలో బాలీవుడ్ లో నిర్మించబడే "బుద్ధ" చిత్రంలో ముందుగా "చిరుత" ఫేం నేహాశర్మ నటిస్తుందని వినపడింది. ఇప్పుడి నేహా శర్మ స్థానంలో ఛార్మిని తీసుకుంటున్నాడని విశ్వసనీయ వర్గాల ద్వారా అందిన సమాచారం. ఈ విషయమై నేహాశర్మని అడిగిన విలేఖరులకు "అబ్బెబ్బె పూరీ నన్నేం తీయలేదండీ. నాకే డేట్లు కుదరక ఆ "బుడ్డా"లో చేయనని చెప్పాను" అని అంది.

 

ఏది ఏమైనా పురీ జగన్నాథ్ దర్శకత్వంలో, ఆలిండియా సూపర్ స్టార్ అమితాబ్ బచ్చన్ నటించే "బుద్ధ" చిత్రంలో నటించే అవకాశం ఛార్మికి దక్కింది. పూరీ జగన్నాథ్ ఈ "బుద్ధ" చిత్రాన్ని రానున్న ఏప్రెల్ నెలలో ప్రారంభించనున్నాడు. ఈ లోగా రామ్ గోపాల్ వర్మ, హరీష్ శంకర్ లతో కల్సి పూరీ జగన్నాథ్ "పెళ్ళి" చిత్రానికి దర్శకత్వం వహించనున్నాడు. నిజానికి పూరీ జగన్నాథ్ ఈ "బుద్ధ" చిత్రాన్ని పోయిన సంవత్సరమే మొదలెట్టాల్సింది.అమితాబ్ ఆరోగ్యం బాగోకపోవటం వల్ల ఈ యేడాదికి వాయిదా పడింది.