నాగచైతన్య "దడ" లో అరుణా షీల్డ్స్ నటిస్తూందని విశ్వసనీయవర్గాలద్వారా అందిన సమాచారం. వివరాల్లోకి వెళితే కామాక్షీ కళా మూవీస్ పతాకంపై, నాగచైతన్య హీరోగా, కాజల్ అగర్వాల్ హీరోయిన్ గా, అజయ్ భూయాన్ ని దర్శకుడిగా పరిచయం చేస్తూ, డి.విశ్వచందన్ రెడ్డి నిర్మిస్తున్న విభిన్నప్రేమకథా చిత్రం "దడ". నాగచైతన్య "దడ" చిత్రంలో ఆంగ్లో-ఇండియన్ అయిన అరుణా షీల్డ్స్ ఒక ముఖ్య పాత్రలో నటిస్తుంది. ఈమె బాలీవుడ్ లో వివేక్ ఒబెరాయ్ హీరోగా నటించిన "ప్రిన్స్" చిత్రంలోనూ, "మిస్టర్ సింగ్ మిస్ట్రెస్ మెహతా" సినిమాలోనూ నటించింది.

అరుణా షీల్డ్స్ చక్కని కొరియోగ్రాఫర్, అలాగే అనుభవమున్న చక్కని బెల్లీ డ్యాన్సర్ కావటం విశేషం. ఈ నాగచైతన్య "దడ" సినిమాలో నాగచైతన్యకు అన్నయ్యగా, "రోజాపూలు, ఒకరికొకరు, ఆడవారి మాటలకు అర్థాలు వేరులే" వంటి సినిమాల్లో నటించిన శ్రీరామ్ నటిస్తున్నాడు. శ్రీరామ్ సరసన సమీక్ష జంటగా నటిస్తూంది. నాగచైతన్య "దడ" చిత్రం యూనిట్ ఇటీవలే యూరప్ టూర్ లో కొన్ని పాటలనూ, ముఖ్యమైన సన్నివేశాలనూ చిత్రీకరించుకుని తిరిగి వచ్చింది. ఈ నాగచైతన్య "దడ" ఆగస్టు నెలలో ప్రేక్షకుల ముందుకు రానుంది.