వర్మ "డిపార్ట్ మెంట్" లో గ్యాంగ్ స్టర్ గా బిగ్ బి నటిస్తున్నట్లు విశ్వసనీయవర్గాల ద్వారా అందిన సమాచారం. వివరాలోకి వెళితే ప్రముఖ దర్శక, నిర్మాత రామ్ గోపాల వర్మ స్వీయదర్శకత్వంలో నిర్మిస్తున్న బాలీవుడ్ చిత్రం "డిపార్ట్ మెంట్". వర్మ "డిపార్ట్ మెంట్" చిత్రంలో బిగ్ బి అమితాబ్ బచ్చన్ ముందు ఒక గ్యాంగ్ స్టర్ గా ఆ తర్వాత పొలిటీషియన్ గా మారే పాత్రలో నటిస్తున్నారని తెలిసింది. వర్మ "డిపార్ట్ మెంట్" చిత్రంలో సంజయ్ దత్, రానా, కంగనా రనౌత్ లు కూడా ప్రథాన తారాగణంగా నటిస్తున్నారు.

వర్మ "డిపార్ట్ మెంట్" చిత్రంలో సంజయ్ దత్, రానా ఇద్దరూ పోలీస్ ఆఫీసర్లుగా నటిస్తున్నారు. "మామూలుగా సమాజాన్ని మార్చటానికి నేను సినిమాలు తీయను" అన్న రామ్ గోపాల వర్మ ఈ "డిపార్ట్ మెంట్" చిత్రాన్నిమన సమాజంలో జరిగే అవినీతి, అక్రమాల మీద ఎక్కుపెట్టిన బ్రహ్మాస్త్రంగా తీయబోతున్నారు. యువ హీరో రానా ప్రస్తుతం నటిస్తున్న పాత్రలో ముందుగా అభిషేక్ బచ్చన్ ని అనుకున్నారు. కానీ అభిషేక్ బచ్చన్ కి డేట్లు సర్దుబాటు కాకపోవటం వల్ల ఆ పాత్రలో రానాని తీసుకున్నారు. వర్మ "డిపార్ట్ మెంట్" చిత్రంలో అమితాబ్ బచ్చన్ పాత్రే హైలైట్ గా ఉండబోతోందని సమాచారం.