ప్రముఖ నిర్మాత, గీతా ఆర్ట్స్ అధినేత, మెగా స్టార్ బావమరిది అయిన అల్లు అరవింద్ పై భూకబ్జా కేస్ నమోదయ్యింది. నార్సింగ్ లో ఉన్న తన నాలుగు ఎకరాల స్థలాన్ని అల్లు అరవింద్ అతని కుటుంబ సభ్యులు కబ్జా చేశారని కోర్టులో కేస్ ఫైల్ చేయగా, ఎనిమిదవ మెట్రోపాలిటిన్ కోర్టు వారి ఆదేశాల మేరకు, రాజేంద్ర నగర్ మేజిస్ట్రేట్ అదేశాల మేరకు నార్సింగ్ ఇనస్పెక్టర్ నారాయణ అల్లు అరవింద్ మరియూ అతని కుటుంబ సభ్యులపైనా కేస్ రిజిస్టర్ చేశారని సమాచారం.

ఈ కేసు పూర్వాపరాలు పరిశీలిస్తే అల్లు అరవింద్, అల్లు అర్జున్, అల్లు శిరీష్, అల్లు నిర్మల, వసంత లక్ష్మి తదితరులపై ఐ.పి.సి. 420 (ఛీటింగ్),468, 471, 474, 34 సెక్షన్ల ప్రకారం కేసు నమోదు చేసి పోలీసులు విచారిస్తున్నారు.ఈ స్థలం తాలూకు సేల్ డీడ్, రెవెన్యూ రికార్డులను పోలీస్ వారు పరిశీలిస్తున్నారు. తెలుగు సినీ పరిశ్రమలో మెగా ప్రొడ్యూసర్ గా పేరు గడించిన అల్లు అరవింద్ పై, మార్చ్ 6 వ తేదీన వివాహం కానున్న అల్లు అర్జున్ పైనా ఇలా కేసు రావటం వారి మర్యాదకు భగంకలిగించే విషయంగా సినీ వర్గాలంటున్నాయి.