English | Telugu
శివుడిగా అక్షయ్ కుమార్.. 'కన్నప్ప'పై అంచనాలు పెంచేసిన ఫస్ట్ లుక్ పోస్టర్!
Updated : Jan 20, 2025
విష్ణు మంచు డ్రీమ్ ప్రాజెక్ట్గా 'కన్నప్ప' సినిమా భారీ ఎత్తున రూపొందుతోన్న సంగతి తెలిసిందే. అవా ఎంటర్టైన్మెంట్స్, 24 ఫ్రేమ్ ఫ్యాక్టరీ బ్యానర్లో మోహన్ బాబు ఈ చిత్రాన్ని నిర్మిస్తున్నారు. ప్రతీ సోమవారం కన్నప్ప నుంచి ఒక అప్డేట్ వస్తోంది. ఇప్పటి వరకు విడుదలైన పోస్టర్లు, ఫస్ట్ లుక్ లు అందరినీ ఆకట్టుకున్నాయి. ఈ సోమవారం శివుడిగా నటించిన అక్షయ్ కుమార్ పాత్రకు సంబంధించిన పోస్టర్ ను విడుదల చేశారు. (Kannappa)
శివుడిగా అక్షయ్ కుమార్ పాత్ర ఎలా ఉండబోతోందో ఈ పోస్టర్తో చూపించారు. శివ తాండవం చేస్తున్నట్టుగా పోస్టర్లో కనిపిస్తోంది. ఈ పోస్టర్ ను సోషల్ మీడియాలో పంచుకున్న అక్షయ్ కుమార్.. ఇలాంటి ఓ అద్భుతమైన సినిమాలో భాగమైనందుకు ఆనందంగా ఉందని, శివుని ఆశీస్సులతో ఆడియెన్స్ ముందుకు ఏప్రిల్ 25న రాబోతోన్నామంటూ రాసుకొచ్చారు.
కన్నప్ప చిత్రంలో మోహన్ లాల్, ప్రభాస్, మోహన్ బాబు, శరత్ కుమార్, బ్రహ్మానందం, కాజల్ అగర్వాల్, ప్రీతి ముకుందన్ వంటి ప్రముఖ నటీనటులు ముఖ్య పాత్రలు పోషిస్తున్నారు. ఈ సినిమాకు ముఖేష్ కుమార్ సింగ్ దర్శకత్వం వహిస్తున్నారు. ఈ చిత్రాన్ని ఏప్రిల్ 25న రిలీజ్ చేయబోతోన్నారు.