ఫిబ్రవరి 18 రానున్న "పూలరంగడు" చిత్రం విడుదల కానుంది. వివరాల్లోకి వెళితే ఆర్ ఆర్ మూవీ మేకర్స్ డాక్టర్ వెంకట్ సమర్పణలో, మ్యాక్స్ ఇండియా పతాకంపై, సిక్స్ ప్యాక్ సునీల్ హీరోగా, "ప్రేమకావాలి" ఫేం ఇషాచావ్లా హీరోయిన్ గా, "అహ నా పెళ్ళంట" ఫేం వీరభద్రం చౌదరి దర్శకత్వంలో, సీనియర్ నిర్మాత కె.అచ్చిరెడ్డి నిర్మిస్తున్న విభిన్నకథా చిత్రం "పూలరంగడు". ఈ "పూలరంగడు" చిత్రం ముందుగా అనుకున్న ప్రకారం ఫిబ్రవరి 3 వ తేదీన ప్రేక్షకుల ముందుకు రావలసి ఉంది.

కానీ కొన్ని అనివార్య కారణాల వల్ల అది ఫిబ్రవరి 10 వ తేదీకి వాయిదాపడింది. మళ్ళీ ఇప్పుడు అది కూడా కాదని శివరాత్రి కానుకగా ఫిబ్రవరి 18 వ తేదీన "పూలరంగడు" చిత్రం విడుదల కానుందని ఈచిత్రం యూనిట్ మీడియాకు తెలియజేసింది. ఈ "పూలరంగడు" చిత్రానికి అనూప్ రూబెన్స్ ఇచ్చిన సంగీతానికి ప్రేక్షకుల నుండి విశేష స్పందన లభిస్తూంది.