ఫిబ్రవరి 3 న "నిప్పు" ప్లాటినం డిస్క్ ఫంక్షన్ జరుగనుందని సమాచారం. వివరాల్లోకి వెళితే బొమ్మరిల్లు వారి పతాకంపై, శ్రిమతి యలమంచిలి గీత సమర్పణలో, మాస్ మహరాజా రవితేజ హీరోగా, పొడుగుకాళ్ళ ముంబాయ్ భామ దీక్షా సేథ్ హీరోయిన్ గా, డైనమిక్ డైరెక్టర్ గుణశేఖర్ దర్శకత్వంలో, దర్శక, నిర్మాత వై.వి.యస్.చౌదరి నిర్మిస్తున్న విభిన్నకథా చిత్రం" నిప్పు". ఈ "నిప్పు" చిత్రానికి తమన్ సాయి చక్కని సంగీతాన్ని అందించారు. ఈ చిత్రం ఆడియో ప్లాటినం దిస్క్ సాధించిన సందర్భంగా, ఈ చిత్రం ప్లాటినం డిస్క్ ఫంక్షన్ ని ఫిబ్రవరి 3 వ తేదీన జరపటానికి ఈ చిత్రం యూనిట్ నిశ్చయించింది.

ఈ "నిప్పు" చిత్రానికి సర్వేష్ మురారి సినిమాటోగ్రఫీ అదనపు ఆకర్షణగా నిలుస్తుందని ఈ చిత్రం యూనిట్ అంటోంది. ఈ చిత్రం నిజానికి అదే రోజున విడుదల కావలసి ఉంది. కానీ కొన్ని అనివార్య కారణాల వల్ల ఈ "నిప్పు" చిత్రం ఫిబ్రవరి 17 వ తేదీన మహాశివరాత్రి పర్వదినం కానుకగా ప్రపంచవ్యాప్తంగా విడుదల చేయటానికి ఈ చిత్రం యూనిట్ సన్నాహాలు చేస్తోంది.