English | Telugu

Home  
Gossips  
అక్కాచెల్లెళ్లుగా స‌మంత‌, ర‌ష్మిక‌?

అక్కాచెల్లెళ్లుగా స‌మంత‌, ర‌ష్మిక‌?

Updated : Aug 8, 2020

టాలీవుడ్ టాప్ హీరోయిన్లు స‌మంతా అక్కినేని, ర‌ష్మికా మంద‌న్న అక్కాచెల్లెళ్లుగా తెర‌పై క‌నిపించ‌నున్నారా? అవున‌నే అంటున్నాయి ఫిల్మ్‌న‌గ‌ర్ వ‌ర్గాలు. ఆ ఇద్ద‌రినీ ఒక ఇంట్రెస్టింగ్ స్క్రిప్ట్‌తో ఒక డైరెక్ట‌ర్ సంప్ర‌దించాడ‌నీ, స్క్రిప్ట్‌తో పాటు త‌మ క్యారెక్ట‌ర్లు కూడా బ‌లంగా ఉండ‌టంతో వారు అత‌నికి గ్రీన్ సిగ్న‌ల్ ఇచ్చార‌నీ చెప్పుకుంటున్నారు. అయితే దీనిపై ఇండ‌స్ట్రీలో ప్ర‌చారమ‌వుతుంది త‌ప్పితే ఆ ఇద్ద‌రు నాయిక‌ల వైపు నుంచి ఎలాంటి స‌మాచారం లేదు. ర‌ష్మిక ప్ర‌స్తుతం అల్లు అర్జున్ జోడీగా 'పుష్ప' సినిమా చేస్తోంది. ఈ ఏడాది 'స‌రిలేరు నీకెవ్వ‌రు', 'భీష్మ' చిత్రాల స‌క్సెస్‌తో ఆమె క్లౌడ్ 9 మీద ఉంది.

మ‌రోవైపు స‌మంత‌కు గ‌త ఏడాది 'ఓ బేబీ' వంటి బ్లాక్‌బ‌స్ట‌ర్ ఇచ్చిన సంతోషాన్ని 'జాను' వంటి డిజాస్ట‌ర్ లాగేసుకుంది. దాని త‌ర్వాత ఆమె ఇంత‌వ‌ర‌కు ఏ మూవీ సెట్స్ మీద‌కు వెళ్ల‌లేదు. రెండు సినిమాల‌కు సంత‌కాలు చేసింది. ఒక‌టి 'గేమ్ ఓవ‌ర్' ఫేమ్ అశ్విన్ శ‌ర‌వ‌ణన్ డైరెక్ష‌న్‌లో కాగా, మ‌రొక‌టి న‌య‌న‌తార‌తో క‌లిసి న‌టించ‌నున్న విఘ్నేశ్ శివ‌న్ మూవీ. ఈ రెండూ సెప్టెంబ‌ర్ లేదా అక్టోబ‌ర్‌లో సెట్స్ మీద‌కు వెళ్ల‌నున్నాయి. స‌మంత‌, ర‌ష్మిక క‌లిసి న‌టించే అవ‌కాశ‌మున్న సినిమా గురించిన మ‌రింత స‌మాచారం త్వ‌ర‌లో వెల్ల‌డి కావ‌చ్చు.

« Prev
Next »

ఆ స్టార్ తోనే అనిల్ రావిపూడి నెక్స్ట్ మూవీ.. రిలీజ్ ఎప్పుడంటే..?

అనిల్ రావిపూడి(Anil Ravipudi)కి సంక్రాంతి డైరెక్టర్ గా పేరు పడిపోయింది. అనిల్ డైరెక్ట్ చేసిన 'ఎఫ్-2', 'సరిలేరు నీకెవ్వరు', 'సంక్రాంతికి వస్తున్నాం' సినిమాలు సంక్రాంతి సీజన్ లో విడుదలై సక్సెస్ సాధించాయి. ముఖ్యంగా గతేడాది సంక్రాంతికి విడుదలైన 'సంక్రాంతికి వస్తున్నాం' బిగ్గెస్ట్ బ్లాక్ బస్టర్ గా నిలిచింది. ఇక ఈ సంక్రాంతికి వచ్చిన 'మన శంకర వరప్రసాద్ గారు' అంతకుమించిన హిట్ దిశగా దూసుకుపోతోంది.

NBK 111: బాలయ్య ఫ్యాన్స్ కి ఊహించని షాక్!

'వీరసింహారెడ్డి' వంటి బ్లాక్ బస్టర్ తర్వాత నందమూరి బాలకృష్ణ(Nandamuri Balakrishna), గోపీచంద్ మలినేని మరో ప్రాజెక్ట్ కోసం చేతులు కలిపిన విషయం తెలిసిందే. బాలకృష్ణ కెరీర్ లో 111వ సినిమాగా రానున్న ఈ ప్రాజెక్ట్ ని వృద్ధి సినిమాస్ నిర్మిస్తోంది. ఈ హిస్టారికల్ ఫిల్మ్ లో నయనతార హీరోయిన్. ఇదిలా ఉంటే ఈ సినిమా విషయంలో ఊహించని మార్పులు చోటు చేసుకున్నట్లు తెలుస్తోంది.

రామ్ చరణ్ ఫ్యాన్స్ కి పెద్ద షాక్!

'ఆర్ఆర్ఆర్' తర్వాత రామ్ చరణ్(Ram Charan) కీలక పాత్ర పోషించిన 'ఆచార్య', హీరోగా నటించిన 'గేమ్ ఛేంజర్' నిరాశపరిచాయి. దీంతో ప్రస్తుతం బుచ్చిబాబు దర్శకత్వంలో చేస్తున్న 'పెద్ది'(Peddi)పై ఫ్యాన్స్ ఎన్నో ఆశలు పెట్టుకున్నారు. ఇప్పటిదాకా ఈ మూవీ నుంచి విడుదలైన ప్రతి కంటెంట్ ఆకట్టుకుంది. దీంతో ఈ సినిమాపై అభిమానుల ఆసక్తి మరింత పెరిగింది.

రామ్ చరణ్ డైరెక్టర్ తో దుల్కర్ సల్మాన్ మూవీ!

మలయాళ స్టార్ దుల్కర్ సల్మాన్(Dulquer Salmaan)కి తెలుగునాట కూడా మంచి గుర్తింపు ఉంది. మహానటి, సీతారామం, లక్కీ భాస్కర్ వంటి సినిమాలతో తెలుగు ప్రేక్షకులకు చేరువయ్యాడు. ప్రస్తుతం తెలుగులో 'ఆకాశంలో ఒక తార'తో పాటు ఎస్ఎల్వీ సినిమాస్ బ్యానర్ లో ఒక సినిమా చేస్తున్నాడు. ఇక ఇప్పుడు తాజాగా మరో తెలుగు మూవీకి గ్రీన్ సిగ్నల్ ఇచ్చినట్లు తెలుస్తోంది.

విజయ్-రష్మిక పెళ్లి డేట్ ఫిక్స్..!

కొన్నేళ్లుగా ప్రేమలో ఉన్న విజయ్ దేవరకొండ(Vijay Deverakonda), రష్మిక మందన్న(Rashmika Mandanna) త్వరలో పెళ్లి చేసుకోబోతున్నట్లు కొద్దిరోజులుగా వార్తలు చక్కర్లు కొడుతున్నాయి. అధికారికంగా ప్రకటించనప్పటికీ.. విజయ్-రష్మిక నిశ్చితార్థం ఈ ఏడాది అక్టోబర్ లో జరిగినట్లు ఇండస్ట్రీ వర్గాలు తెలిపాయి. ఇక ఇప్పుడు తాజాగా వీరి పెళ్లి ముహూర్తం కూడా ఖరారైనట్లు తెలుస్తోంది.

ఆ సీనియర్ డైరెక్టర్ తో రోషన్ నెక్స్ట్ మూవీ!

2016లో 'నిర్మలా కాన్వెంట్'తో టీనేజ్ లో ప్రేక్షకులను పలకరించిన శ్రీకాంత్ తనయుడు రోషన్(Roshan Meka).. 2021లో 'పెళ్లి సందడి'తో హీరోగా ఎంట్రీ ఇచ్చాడు. అందులో తన లుక్స్, డ్యాన్స్ లతో ఆకట్టుకున్నప్పటికీ.. రావాల్సినంత క్రెడిట్ రాలేదు. ఈ క్రమంలోనే కాస్త గ్యాప్ తీసుకొని తాజాగా 'ఛాంపియన్'(Champion)గా థియేటర్లలో అడుగుపెట్టాడు. ఈ సినిమా రోషన్ కి మంచి పేరు తీసుకు రావడమే కాకుండా, పాజిటివ్ టాక్ తో రన్ అవుతోంది.

బ‌న్నీ, లోకేష్ కాంబినేష‌న్‌లో సినిమా.. మ‌రి త్రివిక్ర‌మ్ మాటేమిటి?

అల్లు అర్జున్ ప్రస్తుతం అట్లీ కాంబినేష‌న్‌లో ఓ హై టెక్నిక‌ల్ మూవీ చేస్తున్న విష‌యం తెలిసిందే. ఈ సినిమా షూటింగ్ వ‌చ్చే ఏడాది ప్ర‌థ‌మార్థంలో పూర్త‌య్యే అవ‌కాశం ఉంది. అయితే ఈ సినిమా త‌ర్వాత బ‌న్నీ చేయ‌బోయే సినిమా గురించి ఇప్ప‌టి నుంచే ఊహాగానాలు మొద‌ల‌య్యాయి. ఇటీవ‌ల త‌న అమెరికా ప‌ర్య‌ట‌న‌ను ముగించుకొని హైద‌రాబాద్ వ‌చ్చిన బ‌న్నీని త‌మిళ ద‌ర్శ‌కుడు లోకేష్ క‌న‌క‌రాజ్ క‌లిశారు. వీరిద్ద‌రి కాంబినేష‌న్‌లో ఓ సినిమా ఉంటుంద‌ని చాలా కాలంగా వార్త‌లు వ‌స్తున్నాయి. 

Balakrishna: మళ్ళీ సింగర్ గా మారిన బాలయ్య.. ఏ సినిమా కోసమో తెలుసా..?

నటసింహం నందమూరి బాలకృష్ణ(Nandamuri Balakrishna) అప్పుడప్పుడు సినిమా వేడుకల్లో పాటలు పాడి అభిమానుల్లో జోష్ నింపుతూ ఉంటారు. అలాగే 'పైసా వసూల్' సినిమాలో 'మామ ఏక్ పెగ్ లా' అనే సాంగ్ పాడి మెప్పించారు. ఇక ఇప్పుడు ఆయన మరోసారి ఓ సినిమా కోసం గాయకుడిగా మారుతున్నట్లు తెలుస్తోంది.

షాకింగ్.. రాజమౌళి లాస్ట్ మూవీ వారణాసి..!

దర్శకధీరుడు రాజమౌళి(Rajamouli) ప్రస్తుతం సూపర్ స్టార్ మహేష్ బాబు(Mahesh Babu)తో 'వారణాసి'(Varanasi) సినిమా చేస్తున్న సంగతి తెలిసిందే. కె.ఎల్. నారాయణ అత్యంత భారీ బడ్జెట్ తో నిర్మిస్తున్న ఈ సినిమాను 2027 వేసవిలో విడుదల చేయడానికి ప్లాన్ చేస్తున్నారు. ఇదిలా ఉంటే రాజమౌళి దర్శకత్వంలో వచ్చే చివరి సినిమా 'వారణాసి'నే అనే చర్చ ఇండస్ట్రీ వర్గాల్లో హాట్ టాపిక్ గా మారింది.

ఎన్టీఆర్ సినిమాలో రజనీకాంత్.. స్క్రీన్స్ తగలబడతాయి!

సూపర్ స్టార్ రజనీకాంత్(Rajinikanth), మ్యాన్ ఆఫ్ మాసెస్ ఎన్టీఆర్(Jr NTR) కలిసి స్క్రీన్ మీద కనిపిస్తే.. చూడటానికి రెండు కళ్ళు సరిపోవు. త్వరలో ఈ అద్భుతాన్ని చూసే అవకాశం అభిమానులకు కలగనుందని ఇండస్ట్రీ వర్గాల్లో న్యూస్ చక్కర్లు కొడుతోంది.