ఫిల్మ్‌న‌గ‌ర్‌లో విన‌ప‌డుతున్న ఇన్న‌ర్ టాక్ ప్ర‌కారం ఎన్టీఆర్ నాన్న‌కు ప్రేమ‌తో, నాగార్జున సోగ్గాడే చిన్నినాయ‌న సినిమాల మ‌ధ్య‌లో డిక్టేట‌ర్‌ను రిలీజ్ చేయ‌డం కంటే సోలోగానే రిలీజ్ చేయాల‌న్న ఆలోచ‌న‌కు ఈ చిత్ర యూనిట్ వ‌చ్చిన‌ట్టు సమాచారం. బాల‌య్య​కెరీర్‌లో ఎంతో ప్ర‌తిష్టాత్మంగా డిక్టేట‌ర్ సినిమా తెర‌కెక్కింది.

ఈ సినిమా కోసం కోన వెంకట్ – గోపీ మోహన్ వంటి రైటర్లను రంగంలోకి దింపి మరీ కథ సిద్ధం చేయించారు. లెజెండ్ హిట్ త‌ర్వాత బాల‌య్య​కెరీర్ ఒక్క‌సారిగా ఊపందుకుంది. త‌ర్వాత ఆయ‌న ఎమ్మెల్యేగా కూడా ఎన్నిక‌య్యారు. ఈ టైంలో ఫ్యాన్స్‌పై బాల‌య్య సినిమాల ప‌ట్ల భారీ అంచ‌నాలు ఉన్నాయి. త‌న గత సినిమా లయన్ పరాజయం చెందడంతో ఈ​సినిమాతో మళ్లీ ఫామ్ లోకి రావాలని బాలయ్య పట్టు మీద ఉన్నారు.

ఎన్టీఆర్ హీరోగా నటిస్తోన్న నాన్నకు ప్రేమతో – నాగార్జున నటిస్తోన్న సోగ్గాడు చిన్ని నాయానా సినిమాలు కూడా సంక్రాంతికి రిలీజ్ కి మంచి హైప్ తో రాబోతున్నాయి. ఈ రెండు సినిమాల‌తో పాటు బాలయ్య డిక్టేటర్ పై కూడా మంచి హైప్ ఉంది. కానీ బాలయ్య సినిమా​అంటే​కేవలం స్టోరీ బలం కన్నా ఇమేజ్ బలంతోనే ఎక్కువగా ఆడుతాయి. నాన్న‌కు ప్రేమ‌తో సెంటిమెంట్ స్టోరీ, సోగ్గాడే గ్రామీణ నేప‌థ్యంలో తెర‌కెక్కే స్టోరీ..ఈ సినిమా హ‌లోబ్ర‌ద‌ర్ స్టైల్లో ఉంటుంద‌ని టాక్ వ‌స్తోంది. దీంతో ఈ రెండు సినిమాల మ‌ధ్యలో ఈ సినిమాను రిలీజ్ చేసి రిస్క్ చేయ‌డం కంటే సంక్రాంతి హ‌డావిడి త‌గ్గాక ఫిబ్ర‌వ‌రి ఫ‌స్ట్ వీక్‌లో సోలోగానే రావాల‌ని డిక్టేట‌ర్ యూనిట్ డిసైడైంద‌ట‌. మరి ఇది నిజమో కాదో తెలియాలంటే కొద్ది రోజులు ఆగాల్సిందే.