సక్సెస్ రేట్ ఎక్కువ ఉన్న తెలుగు దర్శకుల్లో బి. గోపాల్ ఒకరు. నిన్నటి తరం అగ్ర కథానాయకులందరితోనూ ఘనవిజయాలు చూశారాయన. మరి.. టాప్ స్టార్స్ కాంబినేషన్ లో ఉన్న బి. గోపాల్ టాప్ హిట్స్ ఏంటో చూద్దామా..

అక్కినేని నాగేశ్వరరావు , నాగార్జున: తండ్రీకొడుకులు అక్కినేని నాగేశ్వరరావు, నాగార్జున కాంబినేషన్ లో బి. గోపాల్ తీసిన 'కలెక్టర్ గారి అబ్బాయి' ఘన విజయం సాధించింది.

చిరంజీవి: చిరంజీవి, బి. గోపాల్ కాంబినేషన్ లో తొలి చిత్రమైన 'స్టేట్ రౌడీ' ఘనవిజయం సాధించగా.. మూడో సినిమాగా వచ్చిన 'ఇంద్ర' ఇండస్ట్రీ హిట్ గా నిలిచింది.

బాలకృష్ణ: బి. గోపాల్ కి అచ్చొచ్చిన కథానాయకుడిగా బాలకృష్ణకి ప్రత్యేక గుర్తింపు ఉంది. వీరి కాంబోలో 5 సినిమాలు రాగా.. మొదటి నాలుగు సినిమాలు కూడా ఒకదానిని మించి మరొకటి సక్సెస్ చూశాయి. 'లారీ డ్రైవర్', 'రౌడీ ఇన్ స్పెక్టర్' బ్లాక్ బస్టర్స్ కాగా.. 'సమరసింహారెడ్డి', 'నరసింహనాయుడు' ఇండస్ట్రీ హిట్స్ గా నిలిచాయి.

వెంకటేశ్: 'రక్త తిలకం' వంటి సూపర్ హిట్ తో మొదలైన వెంకీ, బి. గోపాల్  కాంబినేషన్ .. ఆపై 'బొబ్బిలి రాజా' వంటి సంచలన విజయాన్ని చూసింది.

మోహన్ బాబు: 'అసెంబ్లీ రౌడీ' రూపంలో సంచలన విజయాన్ని చూసిన మోహన్ బాబు, బి. గోపాల్ కాంబో.. ఆనక 'బ్రహ్మ', 'అడవిలో అన్న', 'కలెక్టర్ గారు' వంటి చెప్పుకోదగ్గ హిట్స్ ని క్రెడిట్ చేసుకుంది.

సుమన్: సుమన్, బి. గోపాల్ కాంబినేషన్ లో వచ్చిన 'ఖైదీ ఇన్ స్పెక్టర్' బాక్సాఫీస్ ముంగిట మంచి విజయాన్నే నమోదు చేసుకుంది.

(జూలై 24.. బి. గోపాల్ బర్త్ డే)