(జూలై 18.. 'సౌందర్య' జయంతి సందర్భంగా)

అభినేత్రి సౌందర్య.. వెండితెరపై ఓ మధుర జ్ఞాపకం. నిన్నటి తరం అగ్ర కథానాయకులందరితోనూ కలిసి నటించిన సౌందర్య.. ఏయే స్టార్ హీరోతో ఎలాంటి టాప్ హిట్స్ అందుకున్నారంటే..

సూపర్ స్టార్ కృష్ణ: 'నంబర్ వన్', 'అమ్మ దొంగా' వంటి బ్లాక్ బస్టర్ మూవీస్ లో కృష్ణకి జంటగా సందడి చేశారు సౌందర్య. 
మెగాస్టార్ చిరంజీవి: 'చూడాలని వుంది!', 'అన్నయ్య' వంటి ఘనవిజయాలు.. చిరు - సౌందర్య కాంబినేషన్ లో వచ్చాయి. 
కింగ్ నాగార్జున: 'హలో బ్రదర్' వంటి సెన్సేషనల్ మూవీతో పాటు 'నిన్నే ప్రేమిస్తా', 'ఆజాద్' వంటి విజయవంతమైన చిత్రాల్లోనూ నాగ్, సౌందర్య జోడీ అలరించింది. 
విక్టరీ వెంకటేశ్: తెలుగుతెరపై తిరుగులేని జంటల్లో ఒకటిగా నిలిచిన వెంకీ - సౌందర్య కలయికలో 'ఇంట్లో ఇల్లాలు వంటింట్లో ప్రియురాలు', 'పవిత్ర బంధం', 'పెళ్ళి చేసుకుందాం', 'రాజా', 'జయం మనదేరా' వంటి ఘనవిజయాలు ఉన్నాయి. 
సూపర్ స్టార్ రజినీకాంత్: 'అరుణాచలం', 'నరసింహ'.. ఇలా రజినీకాంత్, సౌందర్య కలిసి నటించిన రెండు సినిమాలు కూడా బాక్సాఫీస్ ని షేక్ చేశాయి. ఈ రెండు కూడా తమిళ్ డబ్బింగ్ మూవీస్. 
నటకిరీటి రాజేంద్ర ప్రసాద్: 'రాజేంద్రుడు గజేంద్రుడు', 'మాయలోడు', 'మేడమ్'.. వంటి హ్యాట్రిక్ విజయాలు రాజేంద్ర ప్రసాద్, సౌందర్య జంట సొంతం. ఈ మూడు సినిమాలు కూడా హాస్యభరితమైనవే కావడం విశేషం.
కలెక్షన్ కింగ్ మోహన్ బాబు: 'పెదరాయుడు' వంటి ఇండస్ట్రీ హిట్ తో పాటు 'శ్రీరాములయ్య' వంటి సక్సెస్ ఫుల్ మూవీ కూడా మోహన్ బాబు, సౌందర్య కాంబోలో ఉంది.
అందాల నటుడు సుమన్: సుమన్ తో సౌందర్య జట్టుకట్టిన సినిమాల్లో 'దొంగల్లుడు' చెప్పుకోదగ్గ విజయం సాధించింది. 
యాంగ్రీ మ్యాన్ రాజశేఖర్: 'మా ఆయన బంగారం', 'సూర్యుడు' వంటి మంచి హిట్స్ రాజశేఖర్ జతగా అందుకున్నారు సౌందర్య. 
ఫ్యామిలీ హీరో జగపతి బాబు: 'చిలకపచ్చ కాపురం', 'దొంగాట', 'పెళ్ళి పీటలు' వంటి సక్సెస్ ఫుల్ మూవీస్ లో పెయిర్ గా కనిపించి ఆకట్టుకున్న జగపతి బాబు, సౌందర్య.. సూపర్ హిట్ మూవీ 'అంత: పురం' కోసం కలిసి నటించి మెప్పించారు.  
మైటీ స్టార్ శ్రీకాంత్:  'నిన్నే ప్రేమిస్తా' వంటి సక్సెస్ ఫుల్ మూవీ.. శ్రీకాంత్  - సౌందర్య కాంబోలో వచ్చింది.