జాన్వీ క‌పూర్ సోష‌ల్ మీడియాలో చాలా యాక్టివ్‌గా ఉంటూ వ‌స్తోంది. త‌న ఇన్‌స్టాగ్రామ్ హ్యాండిల్‌లో లేటెస్ట్‌గా ఓ వీడియోను ఆమె పోస్ట్ చేసింది. అందులో త‌న ఫ్రెండ్‌తో క‌లిసి స్విమ్మింగ్ పూల్ ప‌క్క‌న డాన్స్ చేస్తోంది. కార్డి బి. ఫేమ‌స్ సాంగ్ 'అప్‌'కు ఆమె చేసిన డాన్స్ అల‌రిస్తోంది. ఆ వీడియోను పోస్ట్ చేసిన జాన్వీ, "ఫిల్మ్‌ఫేర్ స్టేజ్‌ను మిస్స‌వుతున్నా కాబ‌ట్టి ఇప్పుడు పూల్‌సైడ్ డాన్స్ చేస్తున్నా." అని రాసింది. దానికి #FilmfareOnReels అనే హ్యాష్‌టాగ్‌ను కూడా జోడించింది. ఈ వీడియోకు ఆమె ఇన్‌స్టా ఫ్యామిలీ నుంచి సూప‌ర్బ్ రెస్పాన్స్ వ‌చ్చింది.

అమ్మ శ్రీ‌దేవి త‌ర‌హాలోనే జాన్వీకి కూడా డాన్స్ అంటే పిచ్చ ఇష్టం. అందుకే త‌ర‌చూ త‌ను డాన్స్ చేస్తున్న వీడియోల‌ను ఇన్‌స్టా ప్రొఫైల్‌లో షేర్ చేస్తూ, ఫ్యాన్స్‌ను రంజింప‌జేస్తూ వ‌స్తోంది.

అంతేకాదు, కొద్ది రోజుల క్రితం త‌న ఫ్రెండ్స్‌తో మాల్దీవుల‌కు వెళ్లిన ఆమె, అక్క‌డ్నుంచి ప‌లు పిక్చ‌ర్స్‌ను షేర్ చేసి అల‌రించింది. వాటిలో ప్రింటెడ్ బికినీలో ఉన్న ఫొటోల‌కు ఫ్యాన్స్ పిచ్చెక్కిపోయారు. దానికి ఆమె "Island girl," అనే క్యాప్ష‌న్ పెట్టింది. అలాగే స్విమ్‌సూట్‌లో ఉన్న కొన్ని పిక్చ‌ర్స్‌ను కూడా షేర్ చేసింది జాన్వీ.

ఆమె న‌టించిన 'రూహీ' సినిమా ఇటీవ‌ల థియేట‌ర్ల‌లో విడుద‌లై, బిలో యావ‌రేజ్‌గా న‌డిచింది. అయితే ఓటీటీలో మాత్రం పెద్ద హిట్ట‌యింది. నెట్‌ఫ్లిక్స్‌లో స్ట్రీమ్ అవుతోన్న ఈ సినిమా వ్యూస్ ప‌రంగా ప్రెజెంట్ ఇండియాలో టాప్ పొజిష‌న్‌లో ఉంది.