కేంద్రం తీసుకువ‌స్తున్న సాగు చ‌ట్టాల‌కు వ్య‌తిరేకంగా రైతులు ఢిల్లీ కేంద్రంగా భారీ ఉద్య‌మం చేప‌ట్టిన విష‌యం తెలిసిందే. దాని సెగ ఓ సినిమా షూటింగ్‌కు త‌గిలింది. పంజాబ్‌లోని పాటియాలాలో జరుగుతున్న 'ల‌వ్ హాస్ట‌ల్' అనే సినిమా షూటింగ్‌ను ఓ రైతుల బృందం అడ్డుకుంది. ఈ మూవీలో బాబీ డియోల్ ప్ర‌ధాన పాత్ర‌ధారి. ఈ ఘ‌ట‌న శుక్ర‌వారం చోటు చేసుకుంది. పాటియాలా జిల్లాలోని దేవిగ‌ఢ్ ద‌గ్గ‌ర మెహోన్ విలేజ్‌లోని ఓ ఇంట్లో ఆ సినిమా షూటింగ్‌ను నిర్వ‌హిస్తున్నారు. 

దాదాపు 150 నుంచి 200 మంది రైతులు అక్క‌డ గుమికూడి షూటింగ్‌ను అడ్డుకున్నార‌ని జుల్క‌న్ పోలీస్ స్టేష‌న్ ఇన్‌స్పెక్ట‌ర్ హ‌ర్మ‌న్‌ప్రీత్ సింగ్ తెలిపారు. బాబీ డియోల్ కుటుంబ స‌భ్యుల్లో ఏ ఒక్క‌రూ రైతుల ఉద్య‌మానికి మ‌ద్ద‌తుగా మాట్లాడ‌లేద‌ని ఆరోపిస్తూ, ఆ రైతులు షూటింగ్‌ను ఆపేశారు. ఈ ఘ‌ట‌న జ‌రిగిన టైమ్‌లో బాబీ డియోల్ అక్క‌డ లేడు. విక్రాంత్ మాసే, సాన్యా మ‌ల్హోత్రా 'ల‌వ్ హాస్ట‌ల్‌'లో జంట‌గా న‌టిస్తున్నారు.