బాలీవుడ్ టాప్ స్టార్ ఆమిర్ ఖాన్ కూతురు ఇరా ఖాన్ త‌న ఫిట్‌నెస్ కోచ్ నూపుర్ శిఖారేతో డేటింగ్ చేస్తోంది. త‌న సోష‌ల్ మీడియా హ్యాండిల్స్‌లో నూపుర్ ఫొటోల‌ను ఆమె షేర్ చేయ‌డంతో 2020 న‌వంబ‌ర్‌లో ఆ ఇద్ద‌రూ ప్రేమ‌లో ఉన్నార‌నే రూమ‌ర్స్ మొద‌ల‌య్యాయి. ఈ ఏడాది ఫిబ్ర‌వ‌రిలో నూపుర్‌తో త‌న రిలేష‌న్‌షిప్‌ను క‌న్ఫామ్ చేసింది ఇరా. అప్పుడామె నూపు‌ర్‌తో క‌లిసున్న ఫొటోల‌ను షేర్ చేసి, అత‌డిని త‌న 'డ్రీమ్ బాయ్'‌గా అభివ‌ర్ణించింది!

శుక్ర‌వారం ఇరా త‌న ఇన్‌స్టా స్టోరీస్‌లో త‌న బాయ్ఫ్రెండ్ నూపుర్ శిఖారేతో స‌న్నిహితంగా క‌లిసి దిగిన ఫొటోను పోస్ట్ చేసింది. మూవీ నైట్‌ను ఎంజాయ్ చేస్తున్న‌ట్లు అందులో తెలిపింది. అది ఇరా తీసిన సెల్ఫీ. త‌ల‌లు ఆనించుకొని ఫొటో దిగారు ఆ ఇద్ద‌రూ. నూపుర్ బ్లాక్ టి-ష‌ర్ట్‌లో హ్యాండ్సమ్‌గా క‌నిపిస్తుంటే, గ్రే క‌ల‌ర్ టాప్‌తో గార్జియ‌స్‌గా క‌నిపిస్తోంది ఇరా. ఇద్ద‌రూ ఆ పిక్చ‌ర్‌లో క్యూట్‌గా ఉన్నార‌నేది నిజం.

బాయ్‌ఫ్రెండ్‌తో క‌లిసి బ‌హిరంగంగా తిర‌గడానికి ఇరా ఖాన్ ఏమాత్రం వెనుకాడ్డం లేదు. క‌జిన్ జేన్ మేరీ ఖాన్ హ‌ల్దీ వేడుక‌లో నూపుర్‌తో క‌లిసి పాల్గొంది ఇరా. అదివ‌ర‌కే త‌న త‌ల్లి రీనా ద‌త్తాకు నూపుర్‌ను ఆమె ప‌రిచ‌యం చేసింద‌ని తెలుస్తోంది.

వ‌ర్క్ విష‌యానికి వ‌స్తే, సినిమాల మీద కంటే నాట‌కాల మీదే ఇరా ఎక్కువ ఆస‌క్తి చూపిస్తోంది. 2019 డిసెంబ‌ర్‌లో గ్రీక్ ట్రాజెడీ 'మెడియా' అనే నాట‌కాన్ని డైరెక్ట్ చేసింది. అందులో ఆమె సోద‌రుడు జునైద్ ఖాన్‌, హాజెల్ కీచ్ న‌టించారు.