Home  
Politics

మేడమ్ టుస్సాడ్స్ మ్యూజియంలో మోడీ.. అంత సీన్ నాకు ఉందా.. మోడీ

ప్రధాని నరేంద్ర మోడీకి అరుదైన పురస్కారం దక్కింది. మేడమ్ టుస్సాడ్స్ మ్యూజియంలలో మోదీ మైనపు బొమ్మను ఉంచనున్నట్లు మ్యూజియం అధికారులు వెల్లడించారు. ఈ సందర్బంగా మోడీ కొలతలను మ్యూజియం నిపుణులు తీసుకున్నారు. ఈ సందర్భంగా ఆయన మాట్లాడుతూ.. ‘ప్రపంచంలోని ప్రముఖుల సరసన నా బొమ్మ పెట్టేంత గౌరవం నాకుందా? అని నేను ప్రశ్నించగా.. దానికి వారు.. ప్రజాభిప్రాయం మేరకే ఈ నిర్ణయం తీసుకన్నట్టు వారు తెలిపారు అని మోడీ తెలిపారు.

సిగ్గుపడు... పోలీసుల మీద ఓ మహిళా ఎమ్మెల్యే తిట్ట దండకం!

  అధికారులని నోటికి వచ్చినట్లు తిట్టడం ఇప్పుటి ప్రజాప్రతినిధులకు అలవాటుగా మారిపోయింది. తాజాగా ఉత్తర్‌ప్రదేశ్‌కు చెందిన లక్ష్మీ గౌతం అనే మహిళా ఎమ్మెల్యే కూడా ఈ జాబితాలోకి చేరిపోయారు. ఆ రాష్ట్రానికి చెందిన సంబల్ అనే ప్రాంతంలో ఓ యువతి, తాను పది రోజులుగా పోలీస్ స్టేషన్‌ చుట్టూ తిరుగుతున్నా పని జరగడం లేదని లక్ష్మీ గౌతంకు ఫిర్యాదు చేశారు. అంతే సదరు ఎమ్మెల్యే అనుచరగణాన్ని వెంటబెట్టుకుని పోలీస్‌స్టేషన్‌ను చుట్టుముట్టారు. డ్యూటీలో ఉన్న పోలీస్‌ అధికారిని పట్టుకుని చెడామడా వాయించేశారు.  ‘జనాలను పట్టించుకోకపోతే వాళ్లు మీ దగ్గరకు ఎలా వస్తారు’ అంటూ మొదలుపెట్టిన ఎమ్మెల్యే, పోలీసు మెత్తగా కనిపించడంతో చెలరేగిపోయారు, ‘యూనిఫాం వేసుకున్నందుకు కొంచెమన్నా సిగ్గుపడమనీ, వచ్చే బాధితులలో మీ అమ్మ ఉంటే ఇలాగే ప్రవర్తిస్తావా’ అంటూ మండిపడ్డారు. ఈ ఘటనకు సంబంధించిన వీడియో సోషల్‌ మీడియాలో సంచలనం చేయడంతో, లక్ష్మీ గౌతం తన ప్రవర్తనను సమర్థించుకున్నారు. వచ్చినవారితో సరిగ్గా ప్రవర్తించమంటూ సదరు పోలీస్‌ అధికారికి తాను బుద్ధి చెప్పానని పేర్కొన్నారు.

బీజేపీలోకి తమిళ నటుడు విజయ్‌ కుమార్‌.. విశాల్ ను కూడా..!

  త్వరలో తమిళనాడు అసెంబ్లీ ఎలక్షన్స్ జరగనున్న సంగతి తెలిసిందే. దీంతో అప్పుడే పార్టీలన్నీ తమ ప్రయత్నాలు మొదలుపెట్టేశాయి. ఈ నేపథ్యంలో పార్టీలు సినిమా తారలను తమ పార్టీల్లోకి చేర్చుకోవడానికి ఆసక్తిచూపిస్తున్నాయి. తాజాగా సీనియర్‌ తమిళ నటుడు విజయ్‌ కుమార్‌ బీజేపీ చేరారు. కేంద్ర మంత్రి రాధాకృష్ణన్‌ సమక్షంలో ఆయన బీజేపీ కండువా కప్పుకున్నారు. ఈ సందర్భంగా ఆయన మాట్లాడుతూ.. ఎన్నికల్లో పోటీ చేయాలనే ఉద్దేశంతో తాను రాజకీయాల్లోకి రాలేదని.. ప్రధాని నరేంద్ర మోడీ ఎన్నో అభివృద్ధి, సంక్షేమ పథకాలను అమలు చేస్తున్నారని.. తమిళనాడులో బిజెపి ప్రభుత్వం రావాలనే ఆకాంక్షతోనే పార్టీలో చేరినట్లు చెప్పారు. మరోవైపు  నడిగర్ సంఘం ప్రధాన కార్యదర్శి విశాల్‌ను కూడా తమ పార్టీలోకి చేర్చుకునేందుకు బీజేపీ నేతలు యత్నాలు చేస్తున్నట్టు తెలుస్తోంది.

దారుణం.. కిడ్నాప్ అయిన కొడుకు.. అట్టపెట్టెలో శవంగా..

  సికింద్రాబాద్లో ఘోర సంఘటన చోటుచేసుకుంది. కిడ్నాప్ అయిన ఓ ప్రముఖ వ్యాపారి కొడుకు అట్టపెట్టలో శవమై కనిపించాడు. వివరాల ప్రకారం.. షాహీనాయత్ గంజ్‌కు చెందిన ఓ ప్రముఖ వ్యాపారి రాజ్ కుమార్ కుమారుడు అభయ్ పదోతరగతి చదువుతున్నాడు. అయితే అభయ్ నిన్న మధ్యాహ్నం నుండి కనిపించకపోవండతో అతని తల్లిదండ్రులు పోలీసులకు ఫిర్యాదు చేశారు. ఇంతలో గుర్తు తెలియని వ్యక్తులు ఆభయ తండ్రికి ఫోన్ చేసి రూ.10కోట్లు ఇవ్వాలని లేకపోతే అభయ్‌ను చంపేస్తామని ఫోన్‌లో బెదిరించారు. అయితే అసలు ఏం జరుగుతుందో అని తెలుసుకునే లోపులోనే  ఘోరం జరిగిపోయింది. అభయ్ ను చంపేసి.. అట్టపెట్టెలో శవాన్ని పెట్టి దాన్ని  సికింద్రాబాద్ స్టేషన్ ఎదురుగా ఉన్న ఆల్ఫా హోటల్‌లో వదిలివెళ్లారు. దీంతో విషయం తెలుసుకున్న తల్లి దండ్రులు ఒక్కసారిగా దిగ్ర్భాంతికి గురై కన్నీరు పర్యంతమవుతున్నారు. పోలీసులు ఘటనా స్థలికి చేరుకొని కేసు నమోదు చేసుకొని దర్యాప్తు చేస్తున్నారు.

అసదుద్దీన్‌ నాలుక కోస్తే కోటిరూపాయలిస్తా.... బీజేపీ నేత ప్రకటన

  తాను భారత్‌ మాతాకీ జై అనను అంటూ మజ్లిస్‌ నేత అసదుద్దీన్‌ ఓవైసీ చేసిన ప్రకటన ప్రకంపనలు సృష్టిస్తోంది. నిన్నటికి నిన్న దిల్లీలోని ఆయన అధికార నివాసం బయట ‘దేశద్రోహి’ అంటూ హిందూసేన అనే సంస్థ పోస్టర్లను అంటించింది. మరోవైపు ఉత్తర్‌ప్రదేశ్‌కు చెందిన శ్యాం ప్రసాద్‌ ద్వివేదీ అనే భాజపా నేత అసదుద్దీన్‌ పై మీద తీవ్ర స్థాయిలో విరుచుకుపడ్డారు. అసదుద్దీన్‌ నాలుకని తెగ్గోస్తే, కోటి రూపాయల బహుమతి అంటూ ప్రకటించారు ద్వివేదీ. మరోవైపు అసదుద్దీన్ వ్యాఖ్యలకు మద్దతు పలికినందుకు, మహారాష్ట్ర అసెంబ్లీలో వారిస్ పఠాన్‌ అనే ఎమ్మెల్యేను బడ్జెట్ సమావేశాల నుంచి బహిష్కరించారు. అసదుద్దీన్‌ మాత్రం ఈ పరిణామాల పట్ల మండిపడుతున్నారు. నినాదం చేయనందుకు సభ నుంచి బహిష్కరించమని రాజ్యాంగంలో ఎక్కడన్నా ఉందా అని ప్రశ్నస్తున్నారు. పరిస్థితులు చూస్తుంటే అసదుద్దీన్‌ వ్యాఖ్యలు మరో జాతీయస్థాయి చర్చకు దారితీసేట్లే కనిపిస్తున్నాయి.

మాజీ ఎంపీ కన్నుమూత.. కేసీఆర్ సంతాపం..

  మాజీ ఎంపీ రుమాండ్ల రాంచంద్రయ్య కన్నుమూశారు. రోడ్డు ప్రమాదంలో గాయపడిన ఆయనకు హైదరాబాద్లోని మెడిసిటీ ఆస్పత్రిలో చికిత్స అందిస్తుండగా.. ఆయన మృతిచెందారు. అంత్యక్రియలు గురువారం మధ్యాహ్నం మహబూబ్‌నగర్‌లో నిర్వహించనున్నట్లు కుటుంబ సభ్యులు తెలిపారు. కాగా రాంచంద్రయ్య.. 1997 నుంచి 2003 వరకు రాజ్యసభ సభ్యునిగా పనిచేశారు. 2003 తర్వాత రాష్ట్ర బీసీ సెల్ అధ్యక్షునిగాను, అనంతరం ఆప్కో సెల్ చైర్మన్‌గాను పనిచేశారు. అనంతరం జరిగిన రాజకీయ పరిణామాల నేపథ్యంలో ఆయన టీడీపీకి రాజీనామా చేసి టీఆర్‌ఎస్‌లో చేరారు. 2013 మే 25న టీఆర్‌ఎస్‌కు రాజీనామా చేసి కాంగ్రెస్‌లో చేరారు.

ఎంఐఎం ఎమ్మెల్యే సస్పెన్షపై అసదుద్దీన్ ఫైర్.. రాజ్యాంగంలో ఉందా..?

నా పీక మీద కత్తి పెట్టినా భారత్ మాతాకీ జై అనను అని వ్యాఖ్యానించి ప్రస్తుతం దేశంలో కొత్త వివాదానికి తెరలేపిన ఎంపీ అసదుద్దీన్ ఓవైసీ.. ఒక అంశంపై నినాదాలు చేయడం భావ ప్రకటనా స్వేచ్ఛ అని అంటున్నారు. తాను చేసిన వ్యాఖ్యలవల్ల ఇప్పటికే పెద్ద దుమారం రేగుతోంది. ఈనేపథ్యంలోనే మహారాష్ట ఎంఐఎం ఎమ్మెల్యే వారిస్ పఠాన్ కూడా ఇలాంటి వ్యాఖ్యలే చేసినందకు అతనిని అసెంబ్లీ నుండి సస్పెండ్ చేశారు. ఇప్పుడు ఈ వ్యవహారంపై స్పందించిన అసదుద్దీన్.. ఒక నినాదం చేయనందుకు సభ్యుడిని అసెంబ్లీ నుంచి సస్పెండ్ చేయడం దేశ చరిత్రలో మొదటిసారని.. ఎవరి భావ ప్రకటన స్వేచ్ఛ వారికి ఉంటుంది.. ఒక నినాదం చేసినంత మాత్రాన అది చట్టాన్ని ఉల్లఘించినట్టా. రాజ్యాంగం ప్రకారం నడుచుకుంటానని ప్రధాని చెప్పినప్పుడు.. ఎన్నికైన సభ్యుడు ఇలాంటి నినాదాలు చేయాలని రాజ్యాంగంలో ఉందా.. లేకపోతే నినాదాలు చేయకపోతే సస్పెండ్ చేయాలని ఉందా అని ప్రశ్నించారు. మరి ఈ దుమారం ఎంత వరకూ పోతుందో చూడాలి.

నాకు పవన్, దేవుడు అంటే ఇష్టం.. కానీ.. వర్మ

  రాంగోపాల్ వర్మ తనకు ఎప్పుడు ఏం మాట్లాడాలనిపిస్తుందో.. అప్పుడు అది మాట్లాడేస్తుంటాడు. ట్విట్టర్ అనే ఆయుధంతో తన అభిప్రాయాలన్నీ కుండబద్దలు కొట్టినట్టు చెబుతూ అందరికి షాకిస్తుంటాడు. తాజాగా మరో ఝలక్ ఇచ్చాడు వర్మ.. ఎప్పుడూ తనకు దేవుడు అంటే ఇష్టం లేదని.. దేవుడిని తిడుతూ ఉంటే వర్మ.. ఒక్కసారిగా ఏమైందో ఏమో.. తనకు దేవుడంటే ఇష్టమంటూ ట్వీటాడు.. అంతేకాదు.. దేవుడితో పాటు పవన్ కూడా లాగాడు.. ఐ లవ్ పవన్‌కళ్యాణ్ అండ్ గాడ్ అంటూ ట్విట్టర్ లో కామెంట్‌ను పోస్ట్ చేశాడు. వన్, దేవుడు ఇద్దరూ తనకు ఇష్టమని..వీరిద్దని చాలా కారణాల వల్ల ఇష్టపడతానని అన్నారు. అక్కడితో ఆగకుండా అవే కారణాల వల్ల భక్తులన్నా, పవన్ అభిమానులన్నా తనకు ద్వేషమని చివర్లో షాకిచ్చాడు. మొత్తానికి వర్మ ఎంతైనా కొంచెం ఢిపరెంట్ అని మరోసారి రుజువు చేశాడు.  

అయ్యో సోనియా మాటజారారా..?

అప్పుడప్పుడు మాట జారడం అనేది మానవ సహజం. అయితే కాస్త పెద్ద స్థాయిలో ఉన్నవారు.. నలుగురిలో కొంచెం పేరు ప్రఖ్యాతలు ఉన్నవారు.. మాట్లాడేటప్పుడు మాత్రం కాస్త జాగ్రత్తగా మాట్లాడాల్సి వస్తుంది. అందునా మీడియా ముందు అయితే ఒకటికి రెండు సార్లు ఆలోచించి మాట్లాడాల్సి ఉంటుంది. అలా జాగ్రత్త పడకపోతే కొన్ని ఇబ్బందులు ఎదుర్కోవాల్సి వస్తుంది. తాజాగా కాంగ్రెస్ పార్టీ అధినేత్రి సోనియా గాంధీ ఇలానే మాటజారి అందరూ విస్తుపోయేలా చేశారు. ఏపీకి ప్రత్యేక హోదా కాంగ్రెస్ పార్టీ పోరాడుతూ..తమ పాపానికి కాస్తయిన ప్రాయశ్చిత్తం చేసుకోవాలని చూస్తుంది. తమ లాభం కోసమో.. రాష్ట్ర ప్రజల మీద ఉన్న ప్రేమో తెలియదు కానీ ప్రత్యేక హోదా కోసం బానే పోరాడుతుంది. ఈ నేపథ్యంలోనే నిన్న కాంగ్రెస్ పార్టీనేతలు ఆందోళనలు చేపట్టారు. ఈ సందర్భంగా సోనియా మాట్లాడుతూ ఏపీకి ప్రత్యేక హోదా ఇవ్వాలని.. విభజన చట్టంలో ఉన్న హామీలన్నీ కేంద్ర ప్రభుత్వం నెరవేర్చాలని డిమాండ్ చేశారు. దీనిలో భాగంగానే సోనియా రెండేండ్లుగా అధికారంలోనున్న యూపీఏ ప్రభుత్వం ఏమి చేస్తున్నదంటూ నోరు జారారు. అంతే అక్కడున్న వారందరూ ఒక్కసారిగా విస్తుపోయారు. మరి ఎంతటివారైనా మాట్లాడేముందు ఒక్కసారి ఆలోచించి మాట్లాడితే బెటర్..

రోజాకు ఊరట.. సస్పెన్షన్ తీర్మానం ఎత్తివేత

రోజాకు హైకోర్టులో ఊరట లభించింది.. రోజాపై సస్పెన్షన్ తీర్మానాన్ని హైకోర్టు ఎత్తివేసింది. తదుపరి విరాచరణను నాలుగు వారాల తరువాత వాయిదా వేసింది. కాగా కాగా చంద్రబాబుపై అనుచిత వ్యాఖ్యలు చేశారని స్పీకర్ రోజాను ఏడాది పాటు రోజాను సస్పెన్షన్ చేసిన సంగతి తెలిసిందే.   ఈ సందర్బంగా ఆమె మాట్లాడుతూ.. విజయం నాది కాదు నా నియోజకవర్గ ప్రజలది.. అసెంబ్లీకి వెళ్లేందుకు అనుమతి ఇచ్చిన న్యాయస్థానానికి కృతజ్ఞతలు తెలుపుతున్నా.. దీంతో న్యాయస్థానంపై గౌరవం మరింత రెట్టింపయింది.. తప్పు చేయనంత వరకు తప్పించుకు తిరిగే అవసరం లేదు.. పార్టీ ఏదైనా ప్రజల సమస్యలపై పోరాడతా.. ఆర్డర్ కాపీ అందగానే అసెంబ్లీకి వెళతా అని అన్నారు.

రోజా సస్పెన్షన్.. నేడే తుది తీర్పు

  రోజా సస్పెన్షన్ పై నేడు తుది తీర్పు వెలువడనుంది. సుప్రీం ఆదేశాలతో రోజా పిటిషన్ ను విచారణకు తీసుకున్న హైకోర్టు ఇరు వాదనలు విన్న కోర్టు తీర్పును ఈరోజుకు వాయిదా వేసింది. కాగా చంద్రబాబుపై అనుచిత వ్యాఖ్యలు చేశారని స్పీకర్ రోజాను ఏడాది పాటు రోజాను సస్పెన్షన్ చేసిన సంగతి తెలిసిందే. మరి ఏం జరుగుతుందో.. తిరిగి రోజాకు అసెంబ్లీలో కూర్చొనే అవకాశం కలుగుతుందో లేదో చూడాలి.

వేలానికి విజయ్ మాల్యా ఇల్లు.. 150 కోట్లకి

  బ్యాంకులకు వేల కోట్ల రూపాయలు టోకరా వేసి విజయ్ మాల్యా దేశం విడిచి పారిపోయిన సంగతి తెలిసిందే. అయితే తాను ఎప్పుడు వస్తాడో కూడా తెలియని పరిస్థితి.. అక్కడి పరిస్థితులు బాలేదు.. ఇప్పుడప్పుడే తిరిగి రాను అని లండన్ లోని ఆన్ లైన్ ఇంటర్వ్యూలో తెలిపిన సంగతి కూడా విదితమే. ఈ నేపథ్యంలోనే బ్యాంకులు మాత్రం తమ పని తాము కానిచ్చేస్తున్నాయి. ముంబైలోని మాల్యా ఇంటిని భారతీయ స్టేట్ బ్యాంకు వేలానికి పెట్టింది.. గత నెలలో ముంబైలో మాల్యా ఇంటిని ఎస్ బీఐ స్వాధీనం చేసుకుంది. ఇంటి విలువ రూ.150 కోట్లుగా బ్యాంకు అధికారులు నిర్ధారించి.. ఆన్ లైన్ వేలానికి పెట్టినట్లు ఎస్ బీఐ స్పష్టం చేసింది. మరి ఇప్పుడైనా మాల్యా దేశానికి తిరిగి వస్తారా..? లేక ఇలానే ఆస్తులన్నీ వేలంలో పోయ వరకూ అక్కడే ఉంటారా..? చూడాలి..

అసెంబ్లీలో చంద్రబాబు తీర్మానం.. తీర్మానానికి వైసీపీ మద్దతు..

అసెంబ్లీ సమావేశాల్లో భాగంగా ముఖ్యమంత్రి చంద్రబాబు మాట్లాడుతూ విభజన సందర్భంగా పార్లమెంట్లో ఇచ్చిన హామీలన్నీ అమలు చేయాలని.. ప్రత్యేక హోదా, విభజన హామీలు అమలు చేయాలని కోరుతూ మొత్తం 17 అంశాలను అమలు చేయాలని కోరుతూ తీర్మానం పెట్టారు. రాష్ట్ర విభజన సమయంలో.. విభజన చట్టంలో ఉన్న హామీలను నెరవేరుస్తామని ఆనాడు పార్లమెంట్లో హామీ ఇచ్చారు.. ఇప్పుడు   పునర్విభజన చట్టంలో పేర్కొన్న అన్ని హామీలను అమలు చేయాలని అన్నారు. ఏపీకి ప్రత్యేక హోదా ఇస్తామని పార్లమెంట్లో అప్పటి ప్రధాని మన్మోహన్ సింగ్ హామీ ఇచ్చారని గుర్తు చేశారు. కాగా ప్రత్యేక హోదా అంశం బిల్లులో చేర్చలేదని చెప్పారు. ఏపీకి ప్రత్యేక హోదా అవసరమని అన్నారు.   అంతేకాదు పోలవరం ప్రాజెక్టుకు కేంద్రం సహకరిచాలి.. కేంద్రం సహరిస్తే 2018 నాటికి ప్రాజెక్టు పూర్తవుతుంది.. ఇప్పటికి ప్రాజెక్టుకు కేంద్ర ప్రభుత్వం 645 కోట్లు ఇవ్వగా రాష్ట్ర ప్రభుత్వం 1449 కోట్లు ఖర్చు చేసిందని చెప్పారు. ఇంకా అసెంబ్లీ సీట్లను 175 నుంచి 225కు పెంచాలని కోరామన్నారు. సగటున ఒక్కో పార్లమెంట్ నియోజకవర్గానికి 2 చొప్పున సీట్లు పెరుగుతాయని చెప్పారు.   ఇదిలా ఉండగా చంద్రబాబు ప్రవేశపెట్టిన తీర్మానాలకు ఏపీ అసెంబ్లీ ఆమోదం తెలిపింది. ఈ సందర్బంగా ప్రతిపక్షనేత జగన్ మాట్లాడుతూ.. రాష్ర్టానికి సంబంధించిన అంశం కాబట్టి ప్రభుత్వ తీర్మానానికి వైసీపీ మద్దతు ఇస్తుందని.. చంద్రబాబుపై నమ్మకం లేకపోయినా మద్దతిస్తున్నామని అన్నారు. గడ ఏడాది కూడా ఇలాగే తీర్మానం పెట్టారు.. ఆమోదం పొందింది.. కేంద్రానికి పంపారు ఏ జరిగంది.. ఈరోజు ఇంకొక తీర్మానం చేసి పంపుతున్నామని అంటున్నారు.. ఇది ఏమవుతుందో చూడాలి అని వ్యాఖ్యానించారు.

రోజా పిటిషన్ పై రేపు తుదితీర్పు..

ఎమ్మెల్యే రోజా పిటిషన్ పై హైకోర్టులో విచారణ జరిగింది. ఈ సందర్భంగా రోజా తరపు లాయర్ ఇందిరా జైసింగ్ తమ వాదనలు వినిపించారు. స్పీకర్ నిబంధనలకు విరుద్దంగా రోజాను సస్పెండ్ చేశారని.. ఏడాదిపాటు సస్పెండ్ చేసే అధికారం స్పీకర్ కు లేదని.. ఒక సెషన్ వరకు మాత్రమే సస్పెండ్ చేసే అధికారం ఉంటుందని ఆమె అన్నారు.  ఈ సందర్భంగా ప్రభుత్వ తరపు లాయర్ కూడా తన వాదనలు వినిపించారు. 194(3) నిబంధన కింద చర్యలు తీసుకున్నామని ప్రభుత్వం తరఫు న్యాయవాది హైకోర్టులో వినిపించారు.   కాగా ఇరువాదనలు విన్న హైకోర్టు తుది తీర్పును రేపటికి వాయిదా వేసింది.

A4 నడుము... చైనాలో కొత్త ట్రెండ్‌

  ఇప్పటివరకూ జీరో సైజు నడుముతో తిండీ తిప్పలు మానేసి ప్రాణాల మీదకు తెచ్చుకున్న సందర్భాలు చూశాము. ఇప్పడు చైనాలో సరికొత్త పోకడ మొదలైంది. A4 నడుము పేరుతో కొందరు అమ్మాయిలు, అక్కడి సోషల్‌ మీడియాలో హల్‌చల్ సృష్టిస్తున్నారు. సాధారణంగా మనం ప్రింట్ఔట్ల కోసం వాడే కాగితాన్ని A4 కాగితం అంటాము. దీని వెడల్పు 10 అంగుళాలకంటే తక్కువే ఉంటుంది. ఈ కాగితంతో సమానమైన నడుముని సాధించామంటూ, ఓ A4 కాగితాన్ని ముందుంచుకుని అక్కడి యువతులు తెగ ఫొటోలు దిగుతున్నారట. దిగడమే కాదు, మన ట్విట్టర్‌లాగానే చైనాలో ప్రజాదరణ పొందిన ‘సైనా వీబో’ అనే సోషల్‌ మీడియా ద్వారా ప్రపంచానికి తమ ఘనతను చాటుకుంటున్నారట. చైనాలో రోజురోజుకీ వేలంవెర్రిగా పెరిగిపోతున్నా ఈ పోకడ చూసి అక్కడి పెద్దలు, వైద్యులు తిట్టిన తిట్టు తిట్టకుండా తిడుతున్నారు. ఇంత సన్నటి నడుము మున్ముందు తీవ్రమైన అనారోగ్య సమస్యలకి దారితీస్తుందనీ, ఒకోసారి ప్రాణాల మీదకే తెస్తుందనీ హెచ్చరిస్తున్నారు. అయినా పెద్దోళ్ల మాటని వినేదెవరు!

ఇంటర్నేషనల్ ఏవియేషన్ షోను ప్రారంభించిన రాష్ట్రపతి..

నేటి నుండి  ఐదురోజుల పాటు బేగంపేట ఎయిర్ పోర్టులో జరగనున్న ఇంటర్నేషనల్ ఏవియేషన్ షోను రాష్ట్రపతి ప్రణబ్ ముఖర్జీ ప్రారంభించారు.  ఈ కార్యక్రమానికి ఉమ్మడి రాష్ట్రాల గవర్నర్ నరసింహన్,  కేసీఆర్, కేంద్రమంత్రి ఆశోకగజపతిరాజు హాజరయ్యారు. ఇంకా ఈ కార్యక్రమానికి 25 దేశాల ప్రభుత్వ ప్రతినిధులు.. 12 దేశాల నుండి 200 కంపెనీల ప్రజా ప్రతినిధులు హాజరయ్యారు. ఈ సందర్భంగా రాష్ట్రపతి ప్రణబ్ ప్రసంగిస్తూ పౌర విమాన రంగంలో ప్రపంచంలోనే భారత్ 9వ ర్యాంకులో ఉందని, 2020 నాటికి మూడో స్థానానికి చేరుకుంటామని ధీమా వ్యక్తం చేశారు. ఇండియన్ ఎయిర్‌లైన్స్‌ రోజుకు లక్షలాది మందిని గమ్యస్థానానికి చేర్చుతుందన్న ప్రణబ్‌, ఏవియేషన్ రంగంలో తయారీపై దృష్టిసారించామన్నారు.

సభలో నవ్వించిన జానారెడ్డి.. లెక్కలతో గందరగోళంలో పడేశారు..

  కాంగ్రెస్ పార్టీ నేత జానారెడ్డి తెలంగాణ అసెంబ్లీలో మాట్లాడేటప్పుడు జోకులు వేసి అందరిని నవ్విస్తూనే ఉంటారు. తాజాగా అసెంబ్లీ బడ్జెట్ సమావేశాల నేపథ్యంలో పాల్గొన్న ఆయన ప్రభుత్వంపై విరుచుకుపడుతూనే సభలో నవ్వులు పూయించారు. ప్రతిపక్షనేతగా తెలంగాణ బడ్జెట్ పై చర్చను ప్రారంభించిన జానారెడ్డి.. ప్రజల ఆకాంక్షలను టీఆర్ఎస్ ప్రభుత్వం నెరవేర్చాలి.. ప్రభుత్వ నిర్ణయాలకు ప్రజామోదం లేకుంటే తెలియజేసే బాధ్యత ప్రతిపక్షానిది.. రాష్ట్రంలో ప్రతిపక్షం లేకుండా చేయడం ప్రజాస్వామ్యమా..? కొందరు మంత్రులు బాధ్యత లేకుండా మాట్లాడుతున్నారు.. ప్రతిపక్షాలకు ఓట్లు అడిగే హక్కు లేదనడం నియంతృత్వ ధోరణికి నిదర్శనం అంటూ మండిపడ్డారు. అనంతరం ఆర్ధికమంత్రి ఈటెల రాజేందర్ ప్రవేశపెట్టిన బడ్జెట్ గురించి మాట్లాడుతూ.. బడ్జెట్ అంటేనే సాధారణంగా గందరగోళ అంశమని, అలాంటి బడ్జెట్ లెక్కలను చేతులకు ఇచ్చి మంత్రి ఈటల రాజేందర్ మరింత గందరగోళంలో పడేశారని.. ఎమ్మెల్యేలు చాలా జాగ్రత్తగా చదువుకోవాలని చెప్పడంతో సభలో అందరూ నవ్వుకున్నారు. అంతేకాదు 'సభలో చాలామంది సభ్యులు లేరు. మంత్రులు ఎవరు లేరు. మండలికి పోయినరా' అంటూ మాట్లాడి సభలో నవ్వులు పూయించారు.  

సద్దాం హుస్సేన్ చాల మంచి వాడు.. ట్రంప్

  డోనాల్డ్ ట్రంప్ మరో సారి వివాదాస్పద వ్యాఖ్యలు చేశారు. ఓహియాలో నిర్వహించిన ఓ కార్యక్రమంలో పాల్గోన్న ట్రంప్ మాట్లాడుతూ ఇరాక్ మాజీ అధ్యక్షుడు సద్దాం హుస్సేన్ పై ఆసక్తికర వ్యాఖ్యలు చేశారు.  సద్దాం హుస్సేన్ టెర్రరిస్టులను చంపడంలో చాల మంచి వాడని అన్నాడు. ఈ సందర్భంగా ఆయన ఒబామా మీద విరుచుకుపడ్డారు. ఇరాన్, ఇరాక్ దేశాలను హస్తగతం చేసుకోవాలన్న కారణంతోనే ఆ దేశాలను హస్తగతం చేసుకుని క్రూడ్ ఆయిల్ పై చలామణి చెయ్యాలని ప్రయత్నించారని విమర్శించారు. అందుకే ఇరాక్ మీదకు అమెరికా సైన్యాన్ని ఒబామా పంపించారని ఆరోపించారు.   ఈ కారణంగానే ఐసిస్ ఆవిర్భవించిందని అన్నారు. అయితే అంతలోనే ట్రంప్ మాట మార్చి.. సద్దాం హుస్సేన్ చాల మంచి వాడని ఎవరు చెప్పారు.. ఉగ్రవాదులను చంపడంలోనే సద్దాం హుస్సేన్ మంచివాడని తాను చెప్పాను అంతే అని చెప్పుకొచ్చారు.

జగన్ పై చంద్రబాబు ఫైర్.. ముఖ్యమంత్రిని సంబోధించండం ఇలాగేనా..?

అసెంబ్లీ సమావేశంలో ఏపీ ముఖ్యమంత్రి చంద్రబాబు మాట్లాడుతూ ప్రతిపక్షనేత జగన్మోహన్ రెడ్డిపై మండిపడ్డారు. ఎన్ని ఇబ్బందులు ఉన్నా రెండంకెల వృద్ధిని సాధించాం.. ప్రతిపక్షనేత ఏం మాట్లాడుతున్నారు..? ముఖ్యమంత్రిని సంబోధించండం ఇలాగేనా..?ఎటువంటి సంకేతాలు ఇస్తున్నారు..? బాష నేర్చుకోకపోతే సభ హుందాతనం పోతుంది అని హెచ్చరించారు. అంతేకాదు పోలవరం గురించి ఆయన మాట్లాడుతూ ఈ తీర్మానం రాష్ట్రానికి ఎంతో అవసరమని.. తీర్మానానికి చాలామంది సలహాలు, సూచనలు ఇచ్చారు.. సలహాలు ఇచ్చిన వారికి ధన్యవాదాలు తెలిపారు. ఎట్టిపరిస్థితుల్లోనూ 2018 నాటికి ఖచ్చితంగా పోలవరం ప్రాజెక్టు పూర్తి చేస్తాం..  పోలవరం ప్రాజెక్టుకు కాంగ్రెస్ చేసింది ఏం లేదు.. రాష్ట్రం ఖర్చు చేయకపోతే కేంద్రం ఇచ్చే దాగా ఆగాలి.. కేంద్రమే బాధ్యత వహిస్తానని చెబితే వెంటనే కేంద్రానికి అప్పగించడానికి ఎలాంటి అభ్యంతరం లేదని అన్నారు.   ఇంకా ఆయన మాట్లాడుతూ రాష్ట్రానికి ఇచ్చిన దానిని నేనేమి దాచుకోవడం లేదు.. అనవసరమైన ఆరోపణలు చేస్తున్నారు.. ఏపీ రాజధానికి 35 వేల ఎకరాలు భూమిని రైతులు ఇస్తే.. భూములు లాక్కున్నామంటూ నిందలు వేస్తున్నారు అని ఆగ్రహం ప్యక్తం చేశారు. ప్రపంచంలో పెద్ద పరిశ్రమలు ఏపీలో పెట్టుబడులు పెట్టడానికి ముందుకువస్తున్నాయని అన్నారు. విభజన చట్టంలో ఇచ్చిన హామీలు నెరవేరుస్తామని కేంద్ర ప్రభుత్వం హామీ ఇచ్చింది.. రాష్ట్ర ప్రయోజనాలు నెరవేరడానికి ప్రతిపక్షాలు సహరించాలని కోరారు.