అరెస్ట్ వారెంట్ పై సుజనా.. డిఫాల్ట్ కు, ఫ్రాడ్ కూ తేడా ఉంది
కేంద్ర మంత్రి సుజనా చౌదరికి నాంపల్లి కోర్టు అరెస్ట్ వారెంట్ జారీ చేసిన సంగతి తెలిసిందే. మారిషన్ బ్యాంకు నుండి కోట్ల రూపాయలు రుణం తీసుకొని కట్టని నేపథ్యంలో బ్యాంకు కోర్టులో పిటిషన్ దాఖలు చేసింది. దీనిపై విచారించిన కోర్టు సుజనాకి అరెస్ట్ వారెంట్ జారీ చేసింది. అయితే ఇప్పుడు దీనిపై స్పందించిన సుజనా.. తాను భారత చట్టాలను అమితంగా గౌరవించే వ్యక్తుల్లో ఒకడినని, కోర్టులను గౌరవిస్తానని.. తన 30 ఏళ్ల రాజకీయ జీవితంలో ఎన్నోసార్లు కోర్టుకు వెళ్లానని, తనకు సంబంధం లేని కేసు ఇదని తెలిపారు. సదరు కంపెనీలో తనకు ఒక్క శాతం కన్నా తక్కువ వాటానే ఉందని, బ్యాంకుల నుంచి రుణాలు తీసుకోలేదని తాను చెప్పడం లేదని, వ్యాపారంలో నష్టం వచ్చిందని, డిఫాల్ట్ కు, ఫ్రాడ్ కూ ఎంతో తేడా ఉందని అన్నారు. మీడియాలో తనకు వ్యతిరేకంగా వార్తలు వచ్చిన నేపథ్యంలో, వివరణ ఇవ్వాలని నిర్ణయించుకున్నట్టు తెలిపారు.