గ‌త నాలుగు రోజుల క్రితం నుంచీ బుల్లితెర రాముల‌మ్మ శ్రీ‌ముఖి గోవాలో చ‌క్క‌ర్లు కొడుతున్న విష‌యం తెలిసిందే. అక్క‌డి బీచ్ హోట‌ల్‌లో హొయ‌లు పోతూ శ్రీ‌ముఖి చేస్తున్న హంగామా అంతా ఇంతా కాదు. వాట‌ర్ ఫాల్స్‌లో దిగి త‌డిపొడి దుస్తుల్లో అందాలు ఆర‌బోస్తూ శ్రీ‌ముఖి ర‌చ్చ చేస్తోంది. ఇందుకు సంబంధించిన ఫొటోలు ఇటీవ‌ల ఇన్ స్టాలో సంద‌డి చేసిన విష‌యం తెలిసిందే.

శ్రీ‌ముఖికి తొడు విష్ణుప్రియ కూడా గోవా వెళ్లింది. అక్క‌డ శ్రీ‌ముఖితో క‌లిసి త‌ను కూడా ర‌చ్చ చేస్తోంది. అయితే గోవా బీచ్‌లో శ్రీ‌ముఖి, విష్ణుప్రియ చేసిన ఓ ప‌ని ప్ర‌స్తుతం హాట్ టాపిక్‌గా మారింది. శ్రీ‌ముఖి త‌న క్రైమ్ పార్ట‌న‌ర్‌ అంటూ ఈ సంద‌ర్భంగా విష్ణు ప్రియ స్టేట్‌మెంట్ కూడా ఇవ్వ‌డం మ‌రింత హీటెక్కిస్తోంది. ఇంత‌కీ శ్రీ‌ముఖితో క‌లిసి విష్ణు ప్రియ చేసిన క్రైమ్ ఏంటీ ? అన్న‌ది ఆస‌క్తిక‌రంగా మారింది.

గోవా బీచ్‌లో గ‌త నాలుగు రోజులుగా తెగ ఎంజాయ్ చేస్తున్న ఈ జోడీ నైట్ డిన్న‌ర్ చేస్తూ హ‌గ్ చేసుకున్న ఫొటోల‌తో పాటు బీచ్‌లో ఇసుక‌పై కూర్చుని ఒక‌రి నొక‌రు గాఢంగా హ‌త్తుకున్న ఫొటోలు ప్ర‌స్తుతం నెట్టింట వైర‌ల్‌గా మారాయి. ఈ ఫొటోలు చూసిన నెటిజ‌న్స్ బీచ్‌లో ఇదేం పాడుప‌ని అంటూ కామెంట్‌లు కురిపిస్తున్నారు. ఈ కామెంట్‌ల‌ని శ్రీ‌ముఖి, విష్ణు ప్రియ సీరియ‌స్‌గా తీసుకోకుండా ఎంజాయ్ చేస్తుండ‌టం విశేషం.