బిగ్ బాస్ సీజన్ 3 లో కంటెస్టెంట్ లుగా పాల్గొన్న తీన్మార్ సావిత్రి, సీరియల్ నటుడు రవికృష్ణల మధ్య ఎమోషనల్ బాండింగ్ క్రియేట్ అయింది. రవిని తన సొంతింట్లో మనిషిలా ట్రీట్ చేస్తుంటుంది సావిత్రి. అతడికి కోవిడ్ వచ్చినప్పుడు ఫ్యామిలీ మొత్తం దూరంగా ఉండడంతో సావిత్రి తన ఇంటికి తీసుకెళ్లి సేవలు చేసిందని గతంలో ఓ షోలో చెప్పి ఎమోషనల్ అయ్యాడు రవికృష్ణ. సావిత్రి సొంత అక్క కంటే చాలా ఎక్కువ అని.. అమ్మలా చూసుకుంటుందని రవికృష్ణ సందర్భం వచ్చిన ప్రతీసారి చెబుతూ ఉంటాడు. 

ఇక ఈరోజు (జూన్ 9) పుట్టినరోజు జరుపుకుంటున్న రవికృష్ణకు సావిత్రి ఎమోషనల్ గా బర్త్ డే విషెస్ చెప్పింది. ''కొడుకు పుడితే నీలా పెంచాలి.. అంత ప్రేమ.. ఒక వేళ పుట్టకపోయినా ఏం కాదు నా కొడుకువి నువ్వు ఉన్నావ్ అన్న నమ్మకం'' అంటూ ఇన్స్టాగ్రామ్ లో ఓ పోస్ట్ పెట్టింది. ఇది చూసిన రవి.. ''లవ్యూ అమ్మా'' అంటూ రిప్లై ఇచ్చాడు.

మరోపక్క రవికృష్ణ బర్త్ డేను గ్రాండ్ గా సెలబ్రేట్ చేసింది నటి నవ్య స్వామి. చాలా కాలంగా వీరిద్దరి మధ్య ఎఫైర్ సాగుతుందని వార్తలొస్తున్నాయి. సోషల్ మీడియాలో ఈ జంటకు మంచి డిమాండ్ కూడా ఉంది. అయితే వీరి రిలేషన్ పై ఈ జంట పెద్దగా స్పందించింది లేదు. ఇదిలా ఉంటే రవికృష్ణ బర్త్ డే సందర్భంగా అర్ధరాత్రి అతడితో కేక్ కట్ చేయించింది నవ్య. 'నువ్ కోరుకున్న ప్రతీదీ నీకు దక్కాలని.. ఈ ఏడాది మొత్తం నీకు బాగుండాలని కోరుకుంటున్నట్లు' పుట్టినరోజు శుభాకాంక్షలు చెప్పింది.