బిగ్‌ బాస్ సీజన్-7 లో ప్రతీవారం కొత్త టాస్క్ లతో మంచి కిక్కు ఇస్తున్నాడు బిగ్ బాస్. అయితే ఇప్పటి వరకు ఈ సీజన్ లో సీక్రెట్ టాస్క్ జరుగలేదు. నిన్న జరిగిన ఎపిసోడ్ లో..  సీక్రెట్ టాస్క్ ఇచ్చాడు బిగ్ బాస్. ఈ వారమంతా హౌస్‌లో జరిగిన మర్డర్ వెనుక మిస్టరీని ఛేదించే పనిలో అమర్ దీప్, అర్జున్ పోలీసులుగా తిరుగుతున్నారు. ఇక బిగ్‌బాస్ భార్యను హత్య చేసింది తానే అని తెలీకుండా శివాజీ తిరుగుతూ మరికొంతమందిని చంపాలి.

బిబి మాన్షన్ మేనేజర్ గా శివాజీ ఉన్నాడు. అయితే బిగ్ బాస్ ఇచ్చిన సీక్రెట్ టాస్క్ ప్రకారం.. మిసెస్ బిగ్ బాస్ ని చంపింది శివాజీ‌ కానీ ఎవరికి తెలియకుండా జాగ్రత్త పడాలి. శివాజీనే హంతకుడు అనే విషయం హౌస్ లో ఏ ఒక్కరికి తెలియదు. అంబటి అర్జున్, అమర్ దీప్ పోలీసులుగా ఉన్నారు. అశ్విని, శోభాలను పార్టీలో ఎంటర్‌టైన్‌మెంట్ న్యూస్ కవర్ చేయడానికి వచ్చిన రిపోర్టర్లుగా వ్యవహరించాలని, బ్రేకింగ్ న్యూస్ కోసం వెతుకుతూ ఇద్దరూ పోటీ పడాలని రోల్ ఇచ్చాడు. అలానే యావర్, ప్రియాంకలు బ్రదర్ అండ్ సిస్టర్లుగా సహాయకులని చెప్పాడు. ఇక రతికకి డ్రైవర్ రోల్ ఇచ్చాడు. ఇక తనని ప్రేమిస్తూ చుట్టూ తిరిగే తోటమాలి గెటప్‌లో గౌతమ్,  ప్రశాంత్‌కి వంటచేసేవాడిగా పాత్ర ఇచ్చాడు బిగ్‌బాస్. అయితే ప్రశాంత్ చేసే ఏ వంట మిసెస్ బిగ్ బాస్ కి నచ్చేది కాదని చెప్పాడు బిగ్ బాస్.

ఈ టాస్క్ లో అమర్ దీప్, అంబటి అర్జున్ కలిసి ఇన్వెస్టిగేషన్ చేసేది హిలేరియస్ గా అనిపించింది. ఇక రతికని గౌతమ్ దొంగచాటుగా చూస్తూ ప్రేమించాలని బిగ్ బాస్ చెప్పగా.. ఏకంగా రాసుకొని పూసుకొని తిరుగుతున్నాడు గౌతమ్. రతిక పాప బుగ్గ గిల్లేశాడు గౌతమ్. నేను ఎప్పుడైనా మాట్లాడాలనుకుంటే ఇట్ల కన్ను కొడతానంటూ రతిక కన్ను కొట్టింది. మళ్లీ కొట్టు.. మంచిగ కొట్టినవులే అంటూ గౌతమ్ సిగ్గుపడిపోయాడు. నాకు ఈరోజు రోజా పువ్వు తేలేదా అంటూ రతిక అడుగగా.. నువ్వే రోజ్ పువ్వు లెక్కన ఉన్నావ్ కదే.. నీకు రోజ్ ఎందుకే అంటూ ఇద్దరూ ప్రేమ ముచ్చట్లలో మునిగిపోయారు. ఇది చూసిన మేనేజర్ శివాజీ.. బాబు అలా చేయకూడదంటూ రతికని పక్కకి తీసుకెళ్ళాడు. ఇక అమర్ దీప్ ని జామ కాయలు దొంగతనం చేసుకొని తినేవాడివని శివాజీ అనడం అంతా ఫుల్ ఫన్ ఎపిసోడ్ గా నిలిచింది.