శ్రీదేవి డ్రామా కంపెనీ ఈ వారం షో చాలా స్పెషల్ గా డిజైన్ చేశారు. ఎందుకంటే ఆ పాత 90 స్ లో ఒక రేంజ్ లో పాపులర్ ఐన యాంకర్స్ ని పిలిచారు. అందులో "వెన్నెల" జయతి, "విహారి" కరుణా భూషణ్, పుట్టినరోజు శుభాకాంక్షలు చెప్పే సౌమ్య, ఫేమస్ మూవీ రివ్యూస్ చేసే సత్తన్న-దాసన్న, జోగి బ్రదర్, మాటల మాంత్రికుడు శేఖర్ బాషా, యాంకర్ భార్గవ్ ఎంట్రీ ఇచ్చారు. సీనియర్స్ ని పక్కన కూర్చోబెట్టి ప్రెజెంట్ యాంకరింగ్ చేస్తున్న జూనియర్స్ ని ఇన్వైట్ చేసింది రష్మీ. ఇందులో ఆరియానా, శ్రీకర్ కృష్ణ, అంజలితో పాటు యూట్యుబ్స్ లో యాంకరింగ్ చేస్తూ, ఇంటర్వ్యూస్ తీసుకునే వాళ్లంతా వచ్చారు.

"వావ్ అందరూ ఒక్కొక్క రేంజ్ లో ఎంట్రీలిస్తున్నారు..వాట్ ఏ జోష్ " అని రష్మీ అనేసరికి "జూనియర్స్ కదా ఆమాత్రం ఉంటుంది" అన్నాడు రాంప్రసాద్.. "ఐనా నా స్కెడ్యూల్ చాలా  బిజీగా ఉంది...ఐనా నన్ను ఎందుకు పిలిచారు అసలు..ఏంటిదంతా..టైం వేస్ట్ ..రాజమౌళి గారితో బిజీ, త్రివిక్రమ్ గారితో బిజీ" అని సీరియస్ అయ్యింది అరియానా.. "ఐనా నువ్వు ఇలియానావి కాదు అరియానావి..గుర్తుపెట్టుకో..అర్దమయ్యిందా " అన్నాడు రాంప్రసాద్ . "కొంచెం గ్లామర్ వచ్చిందిరా నీకు" అని ఒక క్యూట్ కామెంట్ చేసేసరికి "అవునా..ఐతే నా కళ్ళు ఎలా ఉన్నాయి, నా హెయిర్ స్టైల్, నా డ్రెస్సింగ్ స్టైల్ ఎలా ఉంది మొత్తంగా నేను ఎలా ఉన్నాను" అని ఆరియానా అడిగేసరికి "ఇవన్నీ చెప్పడానికి నేనేమీ రామ్ గోపాల్ వర్మని కాదు రాంప్రసాద్ ని" అనేసరికి షాకయ్యింది అరియనా. వెంటనే "ఐనా ఇప్పుడు ఆయన గురించి ఎందుకులే..మళ్ళీ ఇంటర్వ్యూ అంటాడు, ట్రెండింగ్ అంటాడు ఆమ్మో" అంది అరియనా. "ట్రెండింగ్ అని నువ్వే వేసేసుకున్నావా" అని రాంప్రసాద్ కౌంటర్ వేసేసరికి నవ్వేసింది అరియనా.

ఇక శ్రీకర్ కృష్ణ వచ్చి రష్మీ నాకొక డౌట్ వచ్చింది..నువ్వు యాంకర్ వి కాకపోయి ఉంటే ఎం అయ్యేదానికి అని అడిగేసరికి "డాక్టర్" అని చెప్పింది. "డాక్టర్ వి కాకపోయి ఉంటే" అని మళ్ళీ అడిగాడు. "పెద్ద పెద్ద బ్రిడ్జీలు కడతారు సివిల్ ఇంజినీర్ అయ్యేదాన్ని" అని చెప్పింది. "ఇప్పుడు అర్ధమయ్యింది నాకు నువ్వు ఎప్పుడైనా జనాలు చచ్చిపోయే పనులే  చేస్తావన్నమాట" అనేసరికి రష్మీ ఇచ్చిన లుక్ కి అందరూ నవ్వేశారు. శ్రీకర్ కృష్ణ ఇంతకు ముందు శ్రీదేవి డ్రామా కంపెనీలో మ్యాజిక్ చేసి అందరినీ మెస్మోరైజ్ చేసాడు. ప్రస్తుతం బ్రహ్మముడి సీరియల్ లో నెగటివ్ రోల్ చేస్తూ ఆడియన్స్ ని ఎంటర్టైన్ చేస్తున్నాడు.