ఈ మధ్యకాలంలో బుల్లితెరపై షోలు బాగా పెరిగిపోయాయి. వెండితెర స్టార్స్ సైతం టీవీ షోల్లో కనిపిస్తూ సందడి చేస్తున్నారు. తాజాగా విడుదలైన ఢీ 13 ప్రోమో వీడియో ఇప్పుడు సోషల్ మీడియాలో చక్కర్లు కొడుతోంది. రాబోయే బుధవారం టెలికాస్ట్ కాబోతున్న ఈ ఎపిసోడ్ ప్రేక్షకులను ఆకట్టుకోవడం ఖాయమనిపిస్తోంది. యాంకర్లు సుడిగాలి సుధీర్, హైపర్ ఆది, ప్రదీప్ లతో పాటు జడ్జిలు ప్రియమణి, పూర్ణ చేసిన హడావిడి మాములుగా లేదు. 

ఓ కంటెస్టెంట్ డాన్స్ పెర్ఫార్మన్స్ కు ముగ్ధురాలైన‌ పూర్ణ నేరుగా స్టేజ్ పైకి వెళ్లి అతడి బుగ్గపై ముద్దు పెట్టుకుంది. ఇక హైపర్ ఆది రాసిన లవ్ లెటర్ ఈ ప్రోమోకు హైలైట్‌గా నిలిచింది. ఈ లెటర్‌ను ప్రదీప్ చదివి వినిపించాడు. స‌హ‌ యాంకర్ దీపికను ఉద్దేశిస్తూ ఆది లెటర్ రాశాడు. ''దీపికా దీపికా నీ గురించి రాయడానికి నాకు లేదు ఓపిక..'' అంటూ కౌంటర్లు వేశాడు. అలానే ప్రియమణిని ఉద్దేశిస్తూ.. "ప్రియా నిన్ను చూడగానే పడిపోయా.." అంటూ రాసిన కవితను ప్రదీప్ తన స్టైల్ లో చదివి నవ్వించాడు. 

ఆదితో పాటు సుడిగాలి సుధీర్ కూడా లవ్ లెటర్ రాశాడు. ఆ లెటర్ ను చూడాలని ఉందా..? అంటూ ప్రదీప్ ఆసక్తికి క్రియేట్ చేశాడు. ప్రోమోలో అయితే లెట‌ర్‌ను వినిపించలేదు. సుధీర్ ఏం రాశాడో తెలియాలంటే.. పూర్తి ఎపిసోడ్ ప్రసారమయ్యే వరకు ఎదురుచూడాల్సిందే! మొత్తానికి ఇలాంటి ఆస‌క్తిక‌ర స్కిట్స్‌తో ఢీ 13 దూసుకుపోతోంది.