English | Telugu
యాంకర్ రవి కొత్త షోలో ప్రత్యక్షమైన టిక్ టాక్ భార్గవ్!
Updated : Jun 9, 2021
యూట్యూబ్, టిక్ టాక్ లతో భార్గవ్ బాగా పాపులర్ అయ్యాడు. అతడి ఫన్నీ వీడియోలకు లక్షల్లో వ్యూస్ వచ్చేవి. ఆ విధంగా కాస్త క్రేజ్ సంపాదించుకున్నాడు. అయితే ఈ మధ్యకాలంలో మైనర్ బాలికను రేప్ చేసిన కేసులో పోలీసులు అతడిని అరెస్ట్ చేశారు. దీంతో నెటిజన్లు అతడిని బాగా ట్రోల్ చేశారు. అందరూ అతడిని విలన్ లా చూడడం మొదలుపెట్టారు. అతడికి జైలు శిక్ష పడడంతో ఇప్పుడు జైలు జీవితాన్ని గడుపుతున్నాడు.
అలాంటి వ్యక్తి ఇప్పుడు సడెన్ గా ఓ టీవీ షోలో కనిపించాడు. అయితే అతడు అరెస్ట్ కావడానికి ముందు ఈ షోను చిత్రీకరించినట్లు తెలుస్తోంది. యాంకర్ రవి, అషురెడ్డి హోస్ట్ లుగా 'హ్యాపీ డేస్' అనే షోను మొదలుపెట్టారు. రెండు నెలల క్రితమే ఈ షోను టెలికాస్ట్ చేయాలనుకున్నారు. కానీ ఆలస్యం జరిగి ఈ సోమవారం నుండి టెలికాస్ట్ చేస్తున్నారు. తాజాగా ఈ షోకి సంబంధించిన ప్రోమోను విడుదల చేశారు.
రెండో ఎపిసోడ్ లో జబర్దస్త్ వర్షతో కలిసి భార్గవ్ కనిపించాడు. ప్రస్తుతం ఈ ప్రోమో యూట్యూబ్ లో వైరల్ అవుతోంది. అయితే భార్గవ్ ఈ షోలో ఉన్నాడు కాబట్టి నెటిజన్లు ట్రోల్ చేసే ఛాన్స్ ఉందని గ్రహించిన నిర్వాహకులు.. కామెంట్ సెక్షన్లను ఆఫ్ చేశారు. జనాల్లో భార్గవ్ పై ఉన్న నెగెటివిటీ కారణంగా తమ షో మీద విరుచుకుపడే ఛాన్స్ ఉందని కామెంట్స్ సెక్షన్ ఆఫ్ చేసినట్లు తెలుస్తోంది. ఈ ఒక్క ఎపిసోడ్ లో మాత్రం భార్గవ్ ఉన్నాడని సమాచారం.