స్టార్ మా టీవీలో ప్రసారమవుతున్న సీరియల్ 'బ్రహ్మముడి'. ఈ సీరియల్ ఇప్పుడు అత్యధిక టీఆర్పీ తో నెంబర్ స్థానంలో కొనసాగుతుంది. ఈ సీరియల్ లోని కనకం-కృష్ణమూర్తిల కుటుంబం ఒక మధ్యతరగతి కుంటుంబం. ఇందులో స్వప్న, కనకం ఆశలు గాల్లో ఉండగా.. కావ్య, కృష్ణమూర్తి ల ఆలోచనలు బాగుండాలి.. నిజాయితీగా ఉండాలి.. ఎవరిని నొప్పించకూడదనే విధంగా ఉంటాయి. అయితే ఈ ఫ్యామిలోని కావ్య, అప్పు, స్వప్న అందరికీ సుపరిచితమే..  కావ్య అలియాస్ దీపిక రంగరాజు ఇప్పుడు ప్రతీ కుటుంబంలో ఒక అమ్మాయిలా  మారిపోయింది. ప్రతిరోజూ దీపిక రంగరాజు తన ఇన్ స్టాగ్రామ్ లో  'బ్రహ్మముడి' సీరియల్ కి సంబంధించిన వివరాలను షేర్ చేస్తుంటుంది. 

దీపిక రంగరాజు ఒక యూట్యూబ్ ఛానెల్ ని మొదలుపెట్టింది. ఆ ఛానెల్ లో తన మొదటి వీడియోని అప్లోడ్ చేసింది. " బ్రహ్మముడి సీరియల్ లో నా జర్నీ అలా మొదలైంది" అంటు తన మొదటి వ్లాగ్ ని అప్లోడ్ చేసిన సంగతి తెలిసిందే. అయితే బ్రహ్మముడి సీరియల్ లో ఆన్ స్క్రీన్ మీద రాజ్-కావ్యల జంటకి మంచి ఫ్యాన్ ఫాలోయింగ్ ఉంది. వీరిద్దరి పేరు మీద ఇన్ స్టాగ్రామ్ లో చాలా ఫ్యాన్ పేజీలు కూడా ఉన్నాయి. అయితే బ్రహ్మముడి లో కావ్య పాత్రలో ఎలా కన్పిస్తుందో.. బయట కూడా అలాగే సంప్రదాయ దుస్తులలో కన్పిస్తుంటుంది దీపిక‌. అందుకే తనకు ఫ్యాన్ బేస్ ఎక్కువగా ఉంది.

" మై ఫస్ట్ స్టార్ మా పరివార్ అవార్డ్" అంటు తన యూట్యూబ్ ఛానెల్ లో ఒక వ్లాగ్ ని అప్లోడ్ చేసింది దీపిక అలియాస్ కావ్య. బ్రహ్మముడి సీరియల్ లో తన నటనకి గాను మొన్న జరిగిన " స్టార్ మా పరివార్ అవార్డ్స్" లో..
ఉత్తమ కూతురి క్యాటగిరీలో కావ్యకి అవార్డ్ వచ్చింది. దీంతో తన ఆనందాన్ని వ్యక్తం చేస్తూ వీడియోని చేసింది దీపిక. బ్రహ్మముడి సీరియల్ లోని రుద్రాణి(షర్మిత), అపర్ణ, ధాన్యలక్ష్మి, ఇందిరా దేవీ.. అందరు ఒకే దగ్గర ఉన్నారంటు వారందరు తనకి మంచి సపోర్ట్ ఇస్తున్నారంటు చెప్పింది. అలాగే తనని సపోర్ట్ చేస్తూ.. బ్రహ్మముడి కావ్యని ఆదరిస్తున్న ప్రతీ ఒక్కరికి పేరుపేరున థాంక్స్ చెప్పింది. ఇలాగే సపోర్ట్ చేస్తుండండి. మీకు ఎంటర్‌టైన్‌మెంట్ ఇవ్వడానికి నేను కష్టపడుతూనే ఉంటానని దీపిక అలియాస్ కావ్య చెప్పుకొచ్చింది.