తమిళ నటుడు శివకార్తికేయన్ తో సుడిగాలి సుధీర్ ని పోల్చిన శివబాలాజీ
ఒక వైపు బుల్లితెర మీద మరో వైపు సిల్వర్ స్క్రీన్ మీద దూసుకుపోతున్నాడు సుడిగాలి సుధీర్..ప్రస్తుతం ఆయన నటిస్తున్న లేటెస్ట్ మూవీ ‘కాలింగ్ సహస్ర'. అరుణ్ విక్కిరాల డైరెక్షన్ లో విజేష్ త‌యాల్‌, చిరంజీవి ప‌మిడి, వెంక‌టేశ్వ‌ర్లు క‌టూరి ఈ మూవీని నిర్మిస్తున్నారు. సుధీర్ కి జోడీగా 'డాలిశ్య' హీరోయిన్‌గా న‌టిస్తోంది. ఈ సినిమా నుంచి ‘కలయా నిజమా..’ అనే లిరికల్ సాంగ్‌ను రిలీజ్ చేశారు. ఈ ఫంక్షన్ లో శివబాలాజీ సుధీర్ గురించి కొన్ని ఇంటరెస్టింగ్ వ్యాఖ్యలు చేశారు. "సుడిగాలి సుధీర్ నాకు కొన్ని సంవత్సరాలుగా తెలుసు. కానీ ఇద్దరం కలిసి స్మాల్ స్క్రీన్ ఎప్పుడూ షేర్ చేసుకోలేదు. ఇప్పుడు ఈ మూవీలో స్క్రీన్ షేర్ చేసుకుంటున్నాం. సుధీర్ మీకు ఎంత ఇష్టమో నాకు కూడా అంతే ఇష్టం. ఎవరితోనైనా మనస్ఫూర్తిగా మాట్లాడతాడు. మంచి మ్యానర్స్ ఉన్న మనిషి. మంచి ఆర్టిస్ట్ కూడా..అందరినీ బాగా ఎంటర్టైన్ చేస్తాడు.