"తీన్ మార్" చిత్రం తనకు చాలా తృప్తినిచ్చింది అని ప్రముఖ హీరోయిన్ త్రిష మీడియాకు తెలిపింది. వివరాల్లోకి వెళితే పరమేశ్వర ఆర్ట్స్ పతాకంపై, పవర్ స్టార్ పవన్ కళ్యాణ్ హీరోగా, అందాల త్రిష, కృతి కర్బందా హీరోయిన్లుగా, జయంత్.సి.పరాన్జీ దర్శకత్వంలో, గణేష్ నిర్మించిన చిత్రం "తీన్ మార్". ఈ "తీన్ మార్" చిత్రానికి మణిశర్మ చక్కని సంగీతం అందించారు.

ఈ చిత్రంలో నటించటం గురించి హీరోయిన్ త్రిష మాట్లాడుతూ తానింతవరకూ నటించిన చిత్రాలన్నింటిలోని పాత్రల్లో "తీన్ మార్" చిత్రంలోని మీరా పాత్ర చాలా ప్రత్యేకమైనదనీ, ఆ పాత్రలో నటించినందుకు తనకు చాలా తృప్తిగా ఉందనీ, అలాంటి చిత్రాలూ, అలాంటి పాత్రలు నూటికో కోటికో వస్తాయనీ త్రిష అన్నారు. త్రిష ఇంకా ఈ పాత్ర గురించి తెలియజేస్తూ తమిళంలో "ఉన్నైతాండి వరువాయో"( తెలుగులో ఏమాయ చేసావె) చిత్రంలోని పాత్ర తర్వాత తనకు బాగా నచ్చిన పాత్ర ఈ "తీన్ మార్" చిత్రంలోని మీరా పాత్రనీ, ఈ చిత్రాన్ని ఇంతగా ఆదరిస్తున్న తెలుగు ప్రేక్షకులకు తమ చిత్రం యూనిట్ తరపున కృతజ్ఞతలనీ కూడా త్రిష అన్నారు.