అక్కినేని అభిమానులు ఎప్పుడెప్పుడా అని ఎదురుచూస్తున్న రోజు రానే వచ్చింది. నవ యువ సామ్రాట్ నాగ చైతన్య హీరోగా హిట్ ట్రాక్ లో పయనిస్తున్న దర్శకుడు చందు మొండేటి దర్శకత్వంలో తెరకెక్కుతున్న తండేల్ మూవీ ఈ రోజు ఉదయం అన్నపూర్ణ స్టూడియోలో అట్టహాసంగా ప్రారంభం అయ్యింది.నాగ చైతన్య సినీ కెరీర్ లో మొట్టమొదటి పాన్ ఇండియా మూవీగా తండేల్ తెరకెక్కుతుండటంతో అక్కినేని అభిమానుల ఆనందానికి అవధులు లేకుండా పోయాయి. ఇప్పుడు ఈ సినిమాకి సంబంధించిన ఒక్కో క్రేజీ న్యూస్ సోషల్ మీడియాని షేక్ చేస్తుంది.అలాగే ఈ మూవీ ఓపెనింగ్ కి వచ్చిన ఇద్దరు అతిధుల విషయంలో కూడా అక్కినేని ఫ్యాన్స్ ఫుల్ జోష్ లో ఉన్నారు.

ప్రతిష్ఠాత్మక నిర్మాణ సంస్థ గీత ఆర్ట్స్ బ్యానర్ పై అల్లు అరవింద్, బన్నీ వాసులు కలిసి తండేల్ చిత్రాన్ని నిర్మిస్తున్నారు. ఈ మూవీ ఓపెనింగ్ కి చై తండ్రి నాగార్జున తో పాటు చై మేనమామ వెంకటేష్ హాజరయ్యి చిత్ర యూనిట్ ని అభినందించారు.సాయి పల్లవి చై తో జోడికట్టనున్న ఈ సినిమాలో చై మొట్టమొదటి సారిగా ఫుల్ మాస్ పాత్రల్లో నటించబోతున్నాడు. ఆంధ్రప్రదేశ్ లోని శ్రీకాకుళానికి చెందిన ఒక మత్స్యకారుడు సముద్రంలో చేపల వేటకి వెళ్లి గుజరాత్ సముద్ర తీరంలో చిక్కుకుంటాడు. అతని జీవిత కథ ఆధారంగా ఈ చిత్రం తెరకెక్కబోతుంది. అన్నపూర్ణ స్టూడియోలో అట్టహాసంగా ప్రారంభం అయ్యిన ఈ మూవీకి తెలుగు చిత్ర పరిశ్రమకి చెందిన అతిరధ మహారధులందరు హాజరయ్యి చిత్ర యూనిట్ కి తమ శుభాకాంక్షలని అందచేశారు.

చై ప్రస్తుతం దూత వెబ్ సిరీస్ విజయంతో ఫుల్ జోష్ లో ఉన్నాడు. ఆ సిరీస్ లో చై నటనని చుసిన ఫ్యాన్స్ ప్రేక్షకులు పరిశ్రమ వర్గాలందరు కూడా అక్కినేని నట వారసత్వానికి ఉన్న పవర్ ని మరోసారి గుర్తుచేసుకుంటున్నారు. ఇప్పుడు ఈ తండేల్ మూవీ కూడా ఘన విజయం సాధిస్తుందనే నమ్మకంతో వారందరు ఉన్నారు.అలాగే దర్శకుడు చందు మొండేటి కార్తికేయ 2 తో అగ్ర దర్శకుడుగా మారాడు. పాన్ ఇండియా లెవెల్లో కార్తికేయ 2 సంచలన విజయం సాధించిన విషయం అందరికి తెలిసిందే.