English | Telugu
రాజమౌళిని ఏకిపడేసిన తాప్సి
Updated : Jul 29, 2015
ఈమధ్య కథానాయికలు మాటల జారుతున్నారు. హీరోలపై, దర్శకులపై ఘాటైన వ్యాఖ్యలు చేస్తున్నారు. మొన్నామధ్య రాధిక ఆప్టే... తెలుగు హీరోల ఆధిపత్య తీరుపై మండిపడిన సంగతి తెలిసిందే. ఇప్పుడు తాప్సి... రాజమౌళిని టార్గెట్ చేసింది. లోకమంతా బాహుబలిని కీర్తిస్తుంటే... ఈ అమ్మడు మాత్రం పెదవి విరిచింది. సినిమా గొప్పగా ఉందని, అయితే హీరోయిన్లను పోట్రయిట్ చేసిన విధానం ఏమాత్రం బాగోలేదని, రాజమౌళి స్థాయికి ఇది తగదని సూటిగా చెప్పేసింది ఈ పంజాబీ పడుచు.
ముఖ్యంగా అవంతిక పాత్రలో తమన్నాని మలచిన విధానంపై విరుచుకుపడింది. ఈ పాత్ర ఉద్దేశం ఏమిటో తనకు అర్థంకాలేదని, మిగిలిన పాత్రలన్నింటికంటే ఆ పాత్ర అధ్వానంగా ప్రవర్తించిందని ఏకిపడేసింది. హీరోయిన్ అంటే.. హీరోల కోసం పడి చచ్చిపోయే పాత్రలుగానే ఎందుకు మలుస్తారో అర్థం కాదని, ఓ కథానాయికగా ఆవేదన వ్యక్తం చేస్తోంది.
తాప్సి మాటల్లో నిజం లేకపోలేదు. ఈ సినిమాలో బలహీనమైన పాత్ర అవంతికదే. తనకేదో పెద్ద ఆశయం ఉన్నట్టు బిల్డప్ ఇచ్చి.. చివరికి తాను ఓ సామన్యురాలిగానే ఓ మగాడి ప్రేమకు కరిగిపోయి, తనకి లొంగిపోవడం... ఎవ్వరికీ నచ్చలేదు. ఇలాంటి కామెంట్లను రాజమౌళి లైట్గానే తీసుకొంటాడేమో. కానీ తమన్నా మాత్రం కౌంటర్ ఇచ్చే ఛాన్సులున్నాయి. మొత్తానికి చిత్రసీమలో తాప్పి వర్సెస్ తమన్నా వార్ మొదలవ్వడానికి బోల్డంత ఆస్కారం ఉందన్నమాట.