"సుబ్రహ్మణ్యం ఫర్ సేల్" హీరో సునీల్ అని విశ్వసనీయ వర్గాల ద్వారా తెలిసిన సమాచారం. వివరాల్లోకి వెళితే వరకట్నం మీద తయారైన కథ ఈ "సుబ్రహ్మణ్యం ఫర్ సేల్". "సుబ్రహ్మణ్యం ఫర్ సేల్" సినిమాలో ముందుగా మాస్ రాజా రవితేజ హీరోగా నటిస్తారనీ, ఈ చిత్రానికి హరీష్ శంకర్ దర్శకత్వం వహిస్తారనీ ప్రాథమికంగా అందిన సమాచారం. కారణాలేమైందీ తెలియవు కానీ ఉన్నట్టుండి "సుబ్రహ్మణ్యం ఫర్ సేల్" సినిమా హీరోగా సునీల్ పేరు తెరమీదకు వచ్చింది.

నిజానికి హరీష్ శంకర్ బాలీవుడ్ సినిమా "దబాంగ్" తెలుగు రీమేక్ "గబ్బర్ సింగ్" సినిమాకి దర్శకత్వం వహించాల్సి ఉంది. పవర్ స్టార్ పవన్ కళ్యాణ్ హీరోగా నటించే ఈ సినిమా జూలై చివరలో కానీ, ఆగస్టు మొదట్లో కానీ ప్రారంభం అవుతుందని తెలిసింది. "గబ్బర్ సింగ్" సినిమాతో పాటు "సుబ్రహ్మణ్యం ఫర్ సేల్" సినిమాకు కూడా ఏక కాలంలో దర్శకత్వం వహించే ఆలోచనలో దర్శకుడు హరీష్ శంకర్ ఉన్నట్లు తెలిసింది."సుబ్రహ్మణ్యం ఫర్ సేల్" సినిమా యాక్షన్ కామెడీ ఎంటర్ టైనర్ అని సమాచారం.