"చేతులు కాలాక ఆకులు పెట్టుకొని ఏం లాభం" అనే సామెత ఇప్పుడు సునీల్ కి బాగా సూట్ అవుతుంది. కమెడియన్ గా ఉన్నప్పుడు రోజుకు రెండు సినిమాలు చేస్తూ.. చేతినిండా డబ్బు సంపాదించుకొన్న సునీల్, "అందాల రాముడు"తో హీరోగా మారినప్పటికీ, కమెడియన్ రోల్స్ మాత్రం వదలలేదు. కానీ.. 'పూల రంగడు" పెద్ద హిట్ అయ్యాక మాత్రం కామెడీ క్యారెక్టర్లకు స్వస్తి పలికి పూర్తి స్థాయి కథానాయకుడిగా మారిపోయాడు. ఆ తర్వాత హీరోగానూ కామెడీ రోల్స్ చేయాలా? అనుకొన్నాడో ఏమో కానీ మాస్ సినిమాలు మొదలెట్టాడు. అయితే.. అప్పటివరకూ సునీల్ ని కామెడీగా చూసిన జనాలు అతడు సీరియస్ గా ఫైట్లు చేసేస్తుంటే మాత్రం చూడలేకపోయారు. అందుకే "కృష్ణాష్టమి" డిజాస్టర్ అయ్యింది. ఆ సినిమా రిజల్ట్ తో సునీల్ తనకు "కామెడీ"యే బెటర్ అని ఫిక్స అయ్యాడు. అందుకే "జక్కన్న" అనే ఫుల్ లెంగ్త్ కామెడీ ఎంటర్ టైనర్ తో ప్రేక్షకులను అలరించేందుకు త్వరలోనే రానున్నాడు. 
ఇప్పుడు తన తాజా చిత్రానికి "ఉంగరాల రాంబాబు" అనే టైటిల్ ఫిక్స్ చేయించుకొన్నాడు. "ఓనమాలు" ఫేమ్ క్రాంతిమాధవ్ దర్శకత్వంలో తెరకెక్కుతున్న ఈ చిత్రాన్ని పరుచూరి కిరీటి నిర్మిస్తున్నారు!