నాని నటించిన సినిమాల ద్వారా తెలుగు తెరకు పరిచయమైన హీరోయిన్లందరూ టాలీవుడ్ లో తమకంటూ ప్రత్యేకమైన స్థానం క్రియేట్ చేసుకొన్నవారే. నిత్యామీనన్ తో మెదలైన ఆ లిస్ట్ ప్రస్తుతానికి నివేదా థోమస్ దగ్గర ఆగింది. నాని లేటెస్ట్ హిట్ "జెంటిల్మెన్"తో హీరోయిన్ గా పరిచయమైన మలయాళ కుట్టి నివేదా తన అందంతో మాత్రమే కాకుండా నటనతోనూ ఆకట్టుకొంది. సినిమా సూపర్ హిట్ అవ్వడంతో అమ్మడిని బోలెడు అవకాశాలు వెతుక్కుంటూ వెళ్ళాయి. కథ నచ్చలేదని, క్యారెక్టర్ నచ్చలేదని ఆ ప్రొజెక్టులన్నిట్నీ నివేదా వదిలేసింది. 
అయితే.. ఈ 20 ఏళ్ళ చిన్నది జూనియర్ ఎన్టీయార్ సరసన నటించే సువర్ణావకాశం సొంతం చేసుకొందని సమాచారం. వక్కంతం వంశీ దర్శకత్వంలో ఎన్టీయార్ హీరోగా తెరకెక్కనున్న చిత్రంలో నివేదాను కథానాయికగా ఎంపిక చేసుకొన్నారట. వంశీ చెప్పిన కథ నచ్చడంతోపాటు.. ఎన్టీయార్ పక్కన హీరోయిన్ అనేసరికి నివేదా సెకండ్ థాట్ లేకుండా ప్రొజెక్ట్ సైన్ చేసేసిందని తెలుస్తోంది!