"శ్రీరామరాజ్యం" 50 రోజుల వేడుక ఘనంగా జరిగింది. వివరాల్లోకి వెళితే నందమూరి నట సింహం, యువరత్న నందమూరి బాలకృష్ణ శ్రీ రామచంద్ర మూర్తిగా, అందాల నయనతార సీతా మహా సాధ్విగా, నటసామ్రాట్ డాక్టర్ అక్కినేని నాగేశ్వరరావు వాల్మీకి మహామునిగా, శ్రీకాంత్ లక్ష్మణుడిగా, సాయి కుమార్ భరతుడిగా, మురళీ మోహన్ జనక మహారాజుగా నటించగా, బాపు గారి దర్శకత్వంలో యలమంచిలి సాయిబాబు నిర్మించిన అద్భుత పౌరాణిక చిత్ర రాజం "శ్రీ రామరాజ్యం".

ఈ "శ్రీ రామరాజ్యం" చిత్రం యొక్క అర్థ శతదినోత్సవ వేడుకలు హైదరాబాద్ శిల్పారామంలోని శిల్పకళా వేదికపై, సినీ అతిరథ, మహారథుల సమక్షంలో, అశేషంగా రాష్ట్రం నలుచెరగుల నుండి తరలి వచ్చిన బాలకృష్ణ అభిమానుల సమక్షంలో ఘనంగా జరిగాయి. ఈ సందర్భంగా ఈ చిత్రం యూనిట్ కు జ్ఞాపికలు బహూకరించారు.

ఈ "శ్రీరామరాజ్యం" 50 రోజుల వేడుకకు దర్శకరత్న దాసరి నారాయణరావు, కళాతపస్వి కె.విశ్వనాథ్, సీనియర్ నిర్మాత ఏడిద నాగేశ్వరావు, రెబెల్ స్టార్ కృష్ణం రాజు తదితరులు హాజరై, ఈ చిత్రం యూనిట్ ను అభినందించారు.