English | Telugu
యస్.యమ్.యస్.ఆడియో రిలీజ్
Updated : Jan 23, 2012
యస్.యమ్.యస్.ఆడియో రిలీజ్ జనవరి 22 న, హైదరాబాద్ శిల్పారామంలో కల శిల్పకళా వేదికపై జరిగింది. యస్.యమ్.యస్. అంటే "శివ మనసులో శృతి". ఈ చిత్రాన్ని సూపర్ గుడ్ ఫిలింస్ పతాకంపై, ఆర్.బి. చౌదరి నిర్మిస్తున్నారు. "భీమిలీ కబడ్డి జట్టు" ఫేం తాతినేని సత్య దర్శకత్వంలో, సుధీర్ హీరోగా నటించగా ఈ యస్.యమ్.యస్. చిత్రాన్ని నిర్మించారు. ఈ యస్.యమ్.యస్.చిత్రం ఆడియో రిలీజ్ ప్రిన్స్ మహేష్ బాబు చేతుల మీదుగా, తొలి సి.డి.ని దర్శకుడు వి.వి.వినాయక్ అందుకోగా, సెల్వ సంగీతం అందించిన ఈ చిత్రం మ్యూజిక్ వేగ ఎంటర్ టైన్ మెంట్స్ ద్వారా మార్కెట్లోకి విడుదల చేయబడింది.
ఈ యస్.యమ్.యస్. చిత్రం ఆడియో విడుదల్లో హీరో సుధీర్ తాను సినిమాలో చేసిన ఫీట్లు అంటే మోకాళ్ళతో మూన్ వాక్ వంటివి వేదికపై స్వయంగా చేసి ఆహూతులనలరించారు. ఈ యస్.యమ్.యస్. చిత్రం ఆడియో విడుదలకు సూపర్ స్టార్ కృష్ణ, శ్రీమతి విజయనిర్మల, దర్శకుడు సుకుమార్, వినాయక్ తదితరులు విచ్చేసి, ఈ చిత్రం ఆడియో, అలాగే ఈ చిత్రం కూడా ఘనవిజయం సాధించాలని ఆశించారు.