సిద్ధార్థ 180 ఆడియో రిలీజ్ చేయబడింది. వివరాల్లోకి వెళితే సత్యం సినిమా, అఘళ్ ఫిలింస్ పతాకాలపై, సిద్ధార్థ హీరోగా, నిత్య మీనన్, ప్రియ ఆనంద్ హీరోయిన్లుగా, యాడ్ ఫిలిం మేకర్ జయేంద్ర దర్శకత్వంలో నిర్మిస్తున్న చిత్రం"180". ఏప్రెల్ 21 వ తేదీ ఉదయం ప్రముఖ నిర్మాతలు సురేష్ బాబు, అల్లు అరవింద్ ల చేతుల మీదుగా ఈ చిత్రం ఆడియో విడుదల ప్రసాద్ ఐమ్యాక్స్ లో జరిగింది. ఈ ఆడియో విడుదల ఫంక్షన్ కి హీరోలు రామ్, సునీల్, సిద్ధార్థ హీరోయిన్లు నిత్య మీనన్, ప్రియ ఆనంద్, శృతి హాసన్ నిర్మాతలు సురేష్ బాబు, అల్లు అరవింద్, దిల్ రాజు, శ్యాం ప్రసాద రెడ్డి, దర్శకురాలు నందినీ రెడ్డి తదితరులు హాజరయ్యారు.

ఈ సందర్భంగా దర్శకుడు జయేంద్ర ప్రసంగిస్తూ తాను కొన్ని వందల యాడ్ ఫిల్ములకు దర్శకత్వం వహించాననీ, ప్రస్తుతం తన తోటి వారందరూ రిటైర్ అయ్యే స్థితిలో ఉండగా తాను ఇలా సినీ దర్శకుడిగా రావటం ఆనందంగా ఉందనీ, ఈ చిత్రంలో హీరోగా సిద్ధార్థ మాత్రమే సరిపోతాడనీ, ఈ చిత్రం కచ్చితంగా ప్రేక్షకులను అలరిస్తుందనీ అన్నారు. హీరో సిద్ధార్థ ప్రసంగిస్తూ దర్శకులు జయేంద్ర తనకు చిన్నప్పటి నుండీ తెలుసుననీ, ఈ సినిమా తనకు మరో మంచి హిట్ చిత్రంగా మిగిలిపోతుందన్న నమ్మకం ఉందనీ అన్నారు. రామ్, శృతి హాసన్ 180 చిత్రం వెబ్ సైట్ ను లాంచ్ చేశారు.