గ్లోబల్ స్టార్ రామ్ చరణ్(ram charan)అప్ కమింగ్ మూవీ గేమ్ చేంజర్(game changer)శంకర్(shankar)దర్శకత్వంలో తెరకెక్కుతున్న ఈ పొలిటికల్‌ యాక్షన్ థ్రిల్లర్‌ లో చరణ్ సరసన కియారా అద్వానీ జత కడుతుండగా అంజలి,ఎస్ జె సూర్య ముఖ్య పాత్రల్లో కనిపిస్తున్నారు. రీసెంట్ గా యూపీ రాజధాని లక్నో వేదికగా రిలీజైన టీజర్ అందరి అంచనాలని తలకిందులు చేస్తూ ఒక రేంజ్ లో ఉంది.దీంతో  మెగా అభిమానులతో పాటు ప్రేక్షకుల్లో కూడా గేమ్ చేంజర్ పై భారీ అంచనాలు ఏర్పడ్డాయి.
 
సంక్రాంతి కానుకగా వచ్చే ఏడాది జనవరి 10 న గేమ్ చేంజర్ ని విడుదల చేస్తున్నామని మేకర్స్ అధికార ప్రకటన చేసిన విషయం తెలిసిందే.ఈ క్రమంలో త్వరలోనే ప్రీ రిలీజ్ ఈవెంట్ ని అత్యంత భారీ ఎత్తున జరపడానికి మేకర్స్ ప్లాన్ చేస్తున్నారని తెలుస్తుంది.ఈ ఈవెంట్ కి చీఫ్ గెస్ట్ గా బాలీవుడ్ బాద్షా షారుక్ ఖాన్ రాబోతున్నారనే వార్తలు ఫిలిం సర్కిల్స్ లో చక్కర్లు కొడుతున్నాయి.కొంత మంది అయితే చరణ్, షారుక్ మధ్య ఉన్న అనుబంధం దృష్ట్యా షారుక్ ప్రీ  రావడం పక్కా అని కూడా అంటున్నారు. పైగా శంకర్ గత చిత్రాల ఫంక్షన్స్ ని గమనిస్తే ఆయా చిత్రాల ఈవెంట్స్ కి హాలీవుడ్ నటుల్ని కూడా తీసుకొచ్చిన సందర్భాలు కూడా ఉన్నాయి. మరి షారుక్ రావడం పక్కా అయితే  గేమ్ చేంజర్ కి నార్త్ ఇండియాలో మంచి క్రేజ్ రావడం ఖాయం. ప్రీ రిలీజ్ ఈవెంట్ వేదిక గురించి కూడా త్వరలోనే ప్రకటన వచ్చే అవకాశం ఉంది.

గేమ్ చేంజర్ ప్రస్తుతం పోస్ట్ ప్రొడక్షన్ వర్క్ లో ఉంది.తమన్ సంగీతంలో వచ్చిన రెండు పాటలు కూడా ప్రేక్షకులని అలరించడమే కాకుండా రికార్డు వ్యూయర్స్ తో ముందుకు దూసుకుపోతున్నాయి. శ్రీ వెంకటేశ్వర క్రియేషన్స్ పతాకంపై దిల్ రాజు(dil raju)తన ఎంటైర్ సినీ కెరిరీలోనే అత్యంత భారీ వ్యయంతో ఈ మూవీని నిర్మిస్తున్నాడు.