అభిమానులు పలు రకాలు. తమ హీరోపై ఇష్టాన్ని వ్యక్తం చేయడంలో, ఒక్కో అభిమాని ఒక్కో స్టైల్ ని ఫాలో అవుతుంటాడు. సౌత్ ఇండియా లో విగ్రహాలు కట్టడం, పాలాభిషేకాలు చేయడం లాంటివి చేస్తుంటారు. ఇలాంటి అభిమానమే నార్త్ ఇండియాలో కూడా అప్పుడప్పుడూ కనిపిస్తుంటుంది. తాజాగా సంజయ్ దత్ వీరాభిమాని ఒకరు తన హీరో జైలు నుంచి రిలీజవుతున్న సందర్భంగా, ఫ్రీ బిర్యానీ ఆఫర్ ప్రకటించాడు..

సౌత్ ముంబైలో ఒక హోటల్ నూర్ మహ్మదీ. 1986లో ప్రారంభించిన ఈ హోటల్ ను ఓనర్ ఖలీద్ సంజయ్ దత్ చేత ఓపెనింగ్ చేయించాడు. సంజయ్ అంటే ఖలీద్ కు పిచ్చి. అందుకే ఆ తర్వాత కూడా రెగులర్ గా సంజయ్ ను హోటల్ కు పిలుస్తుండేవాడు. అక్రమాయుధాల కేసులో శిక్ష అనుభవిస్తున్న సంజయ్ దత్ ఈ గురువారం రీలీజవుతున్నాడు. దాంతో ఖలీద్ ఆ రోజు మధ్యాహ్నం 12 నుంచి 2 గంటల మధ్యలో ' చికెన్ సంజూబాబా ' అనే వంటకాన్ని ఫ్రీగా వడ్డించబోతున్నాడు. ఎవరైనా వచ్చి, ఆ టైంలో కుమ్మేసుకోవచ్చని ప్రకటించాడు. ఖలీద్ కు ఈ వంటకాన్ని ఎలా తయారుచేయాలో స్వయంగా సంజయ్ చెప్పాడట. అందుకే దీనికి చికెన్ సంజూబాబా అనే పేరు పెట్టాడు. దీంతో ప్రస్తుతం నూర్ మహ్మదీ హోటల్ టాక్ ఆఫ్ ది టౌన్ అయింది. ఏదేమైనా అభిమానం, పబ్లిసిటీ అనే రెండు పిట్టల్ని ఒకే దెబ్బలో కొట్టిన ఖలీద్ ను మెచ్చుకోవాల్సిందే..