English | Telugu
త్వరలో వరుడు కాబోతున్న సల్మాన్
Updated : Mar 10, 2014
బాలీవుడ్ లో పెళ్లి కాకుండా మిగిలిపోయిన ఏకైక నటుడు సల్మాన్ ఖాన్. ఇతని పెళ్లి గురించి బాలీవుడ్ మొత్తం ఎదురుచూస్తుంది. గతంలో చాలా మంది హీరోయిన్ల రొమాన్స్ చేసి, ప్రేమాయణం నడిపి, తర్వాత వారికి దూరం అయ్యాడు. అయితే ఎప్పుడు పెళ్లి మాట మాట్లాడినా కూడా తప్పించుకునేవాడు. అయితే సల్మాన్ గతకొంత కాలంగా రొమేనియాకి చెందిన లులియాతో ప్రేమాయణం నడిపిస్తున్న విషయం అందరికి తెలిసిందే. అయితే సల్మాన్ ప్రస్తుతం పెళ్ళికి సిద్ధమయినట్లుగా అనిపిస్తుంది.
ఇటీవలే ఓ కార్యక్రమంలో పాల్గొన్న సల్మాన్ మాట్లాడుతూ.. "పదిహేనేళ్ళ వయసు నుంచి నా జీవితంలో జరగని మార్పులు ఇప్పుడిప్పుడే మారుతున్నట్లుగా అనిపిస్తుంది. రెండున్నరేళ్ళుగా జీవితంలో ఏదో వెలితిగా ఉన్నట్టు అనిపిస్తుంది. ఇక నుండి అలా ఉండదు. ఎందుకంటే త్వరలోనే నా జీవితంలో ఓ కీలక ఘట్టం జరగబోతుంది. మా నాన్న పఠాన్, అమ్మ హిందూ, రెండో అమ్మ కేథలిక్. వదిన పంజాబీ. మరి నాకు కాబోయే భార్య మాత్రం విదేశం నుండి వస్తుందనుకొంటున్నా. నేను కులమతాలకు ప్రాదాన్యమివ్వను. మానవత్వానికే ప్రాధాన్యమిస్తాను" అని అన్నారు.
సల్మాన్ మాటలను గమనిస్తే... త్వరలోనే లులియాను పెళ్లి చేసుకోబోతున్నాడని తెలుస్తుంది. మరి ఈ అమ్మడినైనా పెళ్లి చేసుకుంటాడో లేక మళ్ళీ ఇంకో అమ్మాయి కోసం ఎదురుచుస్తాడో త్వరలోనే తెలియనుంది.