English | Telugu
సూరీడే గొడుగు పట్టి వచ్చాడు.. సలార్ ఫస్ట్ సింగిల్ అదిరింది!
Updated : Dec 13, 2023
సలార్ సినిమా కోసం పాన్ ఇండియా స్టార్ ప్రభాస్ అభిమానులు ఎంతగానో ఎదురుచూస్తున్నారు. ప్రశాంత్ నీల్ డైరెక్షన్ లో హోంబలే ఫిలిమ్స్ నిర్మిస్తున్న ఈ యాక్షన్ థ్రిల్లర్ రెండు భాగాలుగా రానుంది. మొదటి భాగం 'సీజ్ ఫైర్' డిసెంబర్ 22న ప్రేక్షకుల ముందుకు రానుంది. ఇప్పటికే విడుదలైన ట్రైలర్ కు మంచి స్పందన లభించింది. తాజాగా ఫస్ట్ సింగిల్ ను విడుదల చేశారు మేకర్స్.
'సలార్' నుంచి 'సూరీడే' అనే మొదటి పాట బుధవారం సాయంత్రం విడుదలైంది. శత్రువులుగా మారిన ఇద్దరు స్నేహితుల కథగా ఈ సినిమా రూపొందుతోందని గతంలో దర్శకుడు చెప్పాడు. అందుకు తగ్గట్టుగానే తాజాగా విడుదలైన 'సూరీడే' పాట స్నేహం నేపథ్యంలో సాగింది. "సూరీడే గొడుగు పట్టి, వచ్చాడే భుజం తట్టి" అంటూ ప్రారంభమైన ఈ పాట ఆకట్టుకుంటోంది. రవి బస్రూర్ స్వరపరిచిన ఈ పాటకు కృష్ణ కాంత్ సాహిత్యం అందించగా, హరిణి ఆలపించారు. లిరికల్ వీడియోలో ప్రభాస్, పృథ్వీరాజ్ సుకుమారన్ పాత్రల మధ్య ఉన్న స్నేహాన్ని చూపించారు.