ఇండియన్ సినీ పరిశ్రమకి చెందిన యాక్టర్స్ మొత్తం ఇంటర్నేషనల్ ఇండియన్ ఫిలిం అకాడమీ అవార్డ్స్ ని ( IIFA)అందుకోవడం చాలా గౌరవంగా భావిస్తారు. ఈ మేరకు  2024 కి సంబంధించిన అవార్డుల కార్యక్రమం సెప్టెంబర్ 27 న  యునైటెడ్ అరబ్ ఎమిరేట్స్ లో జరగబోతుంది. రెండు రోజుల పాటు జరిగే ఈ ఈవెంట్ కి సంబంధించిన ప్రెస్ కాన్ఫరెన్స్ ముంబైలోని ఒక ఫైవ్ స్టార్ హోటల్‌లో  జరిగింది. ఇందులో  భల్లాలదేవ రానా చేసిన ఒక  పని ఇప్పుడు సోషల్ మీడియాలో వైరల్ గా మారుతోంది 

ప్రెస్ కాన్ఫరెన్స్ లో  ప్రముఖ దర్శకుడు  కరణ్ జోహార్(karan johar)బాలీవుడ్ బాద్షా షారూఖ్ ఖాన్(shah rukh khan)తో పాటు మరికొంత మంది టాలీవుడ్ ప్రముఖులు కూడా హాజరయ్యారు.ఇక  షారుఖ్ అండ్ కరణ్ లు  రానా ని స్టేజ్ మీదకి పిలిచారు. దీంతో స్టేజ్ మీదకి వెళ్లిన  రానా వెంటనే  షారుఖ్, కరణ్  ల  పాదాలను తాకి, మేము పూర్తిగా సౌత్ ఇండియన్. మేము దీన్ని ఇలా చేస్తాము అని అన్నాడు. గౌరవ సూచకంగా  రానా చేసిన పనికి అభిమానులు హర్షం వ్యక్తం చేస్తున్నారు.

ఇక ఎన్టీఆర్(ntr)ఫ్యాన్స్ అయితే దేవర(devara)పాన్ ఇండియా లెవల్లో ఇరవై ఏడు న రిలీజ్ అవుతుంటే అవార్డుల కార్యక్రమం అదే రోజు ఏర్పాటు చేసారేంటని సోషల్ మీడియాలో కామెంట్స్ చేస్తున్నారు. ఇక తాజాగా  విడుదలైన దేవర ట్రైలర్ అయితే రికార్డు వ్యూయర్స్ తో ముందుకు దూసుకుపోతుంది.