తెలుగులో చిరుత, మగధీర, ఆరెంజ్ చిత్రాలతో మెగాస్టార్ కుమారుడిగా కాక యువ హీరోగా తనకంటూ ఒక గుర్తింపు సంపాదించుకున్న రామ్ చరణ్ తన రెండవ చిత్రం"మగధీర"తో తెలుగు సినిమా బాక్సాఫీస్ రికార్డులు తిరగరాసాడు.ఈ మగధీర చిత్రాన్ని మళయాళంలోకి అనువదిస్తున్నారు.మళయాళంలో "ధీర" ది వారియర్ అన్న పేరుతో ఈ చిత్రాన్ని విడుదల చేసేందుకు సన్నాహాలు జరుగుతున్నాయి.మళయాళంలో ఈ చిత్రాన్ని 100 థియేటర్లలో విడుదల చేస్తారు.అక్కడ అల్లు అర్జున్ కి అభిమానులు బాగానే ఉన్నారు.అందుకనే అల్లు అర్జున్ సమర్పించు అని ఈ సినిమాకి తగిలించినట్లు తెలిసింది. అల్లు అర్జున్ సినిమాల్లాగే ఈ రామ్ చరణ్ చిత్రం కూడా విజయం సాధిస్తుందన్న నమ్మకంతో నిర్మాత అల్లు అరవింద్ ఉన్నారు.