"3 ఇడియట్స్" నేను చెయ్యలేను అని మెగా పవర్ స్టార్ రామ్ చరణ్ అన్నారు. వివరాల్లోకి వెళితే శంకర్ దర్శకత్వంలో, విజయ్, జీవా, శ్రీరామ్ హీరోలుగా, ఇలియానా హీరోయిన్ గా, జెమినీ ఫిలిం సర్క్యూట్స్ నిర్మిస్తున్న చిత్రం"స్నేహితుడు" ఆడియో రిలీజ్ ఫంక్షన్ లో, ఆడియో విడుదల చేసిన అనంతరం రామ్ చరణ్ పై విధంగా అన్నారు."అమీర్ ఖాన్ వంటి హీరో మాత్రమే చేయగలిగిన పాత్ర అది. అలాంటి పాత్ర నన్ను చేయమంటే నేను చేయలేను" అని అన్నారు రామ్ చరణ్.

అంటే తాను ప్రస్తుతం తన సినీ భవిష్యత్తు తొలి రోజుల్లోనే ఉన్నాననీ, అలాంటి ప్రయోగాత్మక పాత్రలు ఇప్పుడే చెయ్యను అని ఆయన పరోక్షంగా చెప్పారన్నమాట. అది కూడా నిజమే కదా. మెగా స్టార్ ఏకైక కుమారుడిగా, నట వారసుడిగా తన అభిమానులను దృష్టిలో ఉంచుకుని, ప్రయోగాల జోలికి వెళ్ళకుండా ప్రస్తుతం కమర్షియల్ సినిమాల్లోనే నటించటమే ముఖ్యం కదా...!