విచిత్రంగా రజనీకాంత్ వెబ్ సైట్ తయారయ్యింది. విచిత్రం అని ఎందుకన్నానంటే ఎవరన్నా తమ వెబ్ సైట్ ఇంటర్నేట్ లో ఉండాలనుకుంటారు. అసలు ఇంటర్నెట్ లేకుండా ఇంతవరకూ ఏ వెబ్ సైట్ లేదు కూడా. కానీ రజనీకాంత్ అభిమానులు www.allaboutrajani.com అనే వెబ్ సైట్ ని రూపొందించారు. ఒకవేళ మీ కంప్యూటర్ కి ఇంటర్నెట్ కనెక్షన్ ఉంటే మీరు ఆ వెబ్ సైట్ ను ఓపెన్ చేస్తే మీకో మెస్సేజ్ వస్తుంది.

ఆ మెస్సేజ్ ఇలా ఉంటుంది "Aiyyo! That was unexpected. To keep browsing, switch off your internet". మీరు కనుక ఇంటర్నెట్ కనెక్షన్ తీసేస్తే వెంటనే ఆ వెబ్ సైట్ చూడొచ్చు. ఈ వెబ్ సైట్ ని ఇప్పటికే వేలాదిమంది చూశారు...ఇంకా కొన్ని వేలమంది చూస్తున్నారు. ఏది ఏమైనా వెబ్ సైట్ రూపొందించటంలో కూడా టిపికల్ రజనీ కాంత్ మార్క్, స్టైల్ కొట్టొచ్చినట్టు కనపడుతున్నాయి కదూ...! దటీజ్ రజనీ...!