పాలు పిండిన ప్రియాంక చోప్రా అని ముంబై మీడియా అంటోంది. ఇదేంటి...? ప్రముఖ బాలీవుడ్ హీరోయిన్ ప్రియాంక చోప్రా పాలు పిండటం ఏమిటి...? ఆమెకేం అవసరమొచ్చింది...? ఓహో ఏదైనా సినిమాలో అలా నటించాల్సి వచ్చిందేమో అనుకుంటున్నారా...? అలా అయితే మీరు తప్పులో కాలేసినట్లే. ఇంతకీ విషయమేమిటంటే యన్ డి టి వి వారు నిర్వహిస్తున్న "గ్రీనాధన్" ప్రోగ్రామ్ లో భాగంగా రాజస్థాన్ లోని మన్ వాస్ అనే ఒక మారుమూల కుగ్రామానికి వెళ్ళింది ప్రియాంక చోప్రా.

మన్ వాస్ ఎంత కుగ్రామమంటే ఆ ఊర్లో కరెంటు లేదు. అక్కడ దీపాలు వెలగాలంటే సోలార్ లాంతర్లే గతి. అలాంటి ఊరికి వెళ్ళిన ప్రియాంక చోప్రా అక్కడి గ్రామీణ వాతావరణాన్ని, ఆ గ్రామీణుల జీవన విధానాన్ని దగ్గరగా తెలుసుకోవాలని ప్రయత్నించిన సందర్భంలో పాలుపిండుతున్న ఒక స్త్రీ దగ్గర పాలుపిండటం ఎలాగో నేర్చుకోవటానికి ప్రయత్నించింది. పాలు పిండటం నేర్చుకుంటే రేపు సినిమాల్లో ఫేడవుట్ అయ్యాక పాడి పరిశ్రమ పెట్టుకుని బ్రతికేయవచ్చనేమో ప్రియాంక చోప్రా అభిప్రాయం.