English | Telugu
ప్రకాష్రాజ్ కు తప్పిన ప్రమాదం
Updated : Aug 13, 2014
ప్రముఖ నటుడు ప్రకాష్రాజ్ అదృష్టవశాత్తూ పెద్ద ప్రమాదం నుంచి బయటపడ్డారు. ప్రకాష్ రాజ్ ‘గోవిందుడు అందరివాడేలే’ సినిమా షూటింగ్ లో పాల్గొని తిరిగి వస్తుండగా మాదాపూర్లో ఆయన కారును ఆర్టీసీ బస్సు ఢీకొట్టింది. దీంతో ఆయన కారు ధ్వంసమైంది. ఈ ప్రమాదంలో ప్రకాష్రాజ్ చిన్న గాయలతో బయటపడ్డారు. ఈ ప్రమాదంపై ఆయన ట్విట్టర్ లో స్పందిస్తూ, ''ఆర్టీసీ బస్సు నా కారుతోపాటు ఒక ఆటోని కూడా ఢీకొంది. అక్కడ గుమికూడిన కొంతమంది యువకులు ఆటోలో వున్నవారిని కాపాడే విషయాన్ని పక్కన పెట్టేసి, సెల్ ఫోన్లతో నన్ను ఫొటోలు తీయడంలో నిమగ్నమయ్యారు. నా ప్రాణాల మీద భయం కంటే మనుషుల ప్రవర్తన పట్ల భయమేసిందని, మనం ఎక్కడికి పోతున్నామంటూ నన్ను నేనే నిందించుకోవాల్సి పరిస్థితి వచ్చిందని'' అన్నారు.