సినిమా సెలబ్రిటీస్‌ ఇబ్బంది పడే సందర్భాలు చాలా ఉంటాయి. అందులో ముఖ్యమైంది ఫ్రీడమ్‌ లేకపోవడం, ప్రైవసీ కరువవడం. ఎక్కడికీ వెళ్లలేరు, దేన్నీ ఎంజాయ్‌ చెయ్యలేరు. ఇంట్లో ఉండాలి లేదా షూటింగ్‌లో ఉండాలి. ఇది తప్ప బయటి ప్రపంచంతో వారికి లింకులు తక్కువగా ఉంటాయి. రిలాక్స్‌ అయ్యేందుకు బయటకు వెళ్ళలేరు, అందరితోపాటు తిరగలేరు. అందుకే సినిమా వాళ్ళు ఎక్కువగా విదేశాలకు వెకేషన్‌కి వెళ్తుంటారు. అక్కడైతే సాధారణ ప్రజలతో కలిసి తిరగొచ్చు. ఈ ఆలోచనతోనే కొందరు ముందు జాగ్రత్తగా విదేశాల్లో ఇళ్లు కూడా కొనేస్తున్నారు. సూపర్‌స్టార్‌ మహేష్‌ ఇప్పటికే దుబాయ్‌లో ఓ ఇల్లు కొన్నాడు. షూటింగ్‌ గ్యాప్‌ దొరికితే అక్కడికి వెళ్లి రిలాక్స్‌ అవుతాడు.

తాజాగా రెబల్‌స్టార్‌ ప్రభాస్‌ కూడా లండన్‌లో ఓ ఇల్లు తీసుకున్నాడని సమాచారం. అయితే అది కొన్న ఇల్లు కాదు, అద్దెకు తీసుకున్నాడు. ఆ ఇల్లు అద్దె ఎంతో తెలిసి ఆశ్చర్యపోతారు. నెలకు రూ.60 లక్షలు. టైమ్‌ దొరికినప్పుడల్లా అక్కడికి వెళ్లిపోతున్నాడు ప్రభాస్‌. అందుతున్న సమాచారం మేరకు ప్రస్తుతం ప్రభాస్‌ అక్కడే ఉన్నాడు. కొద్దిరోజులు రిలాక్స్‌ అయిన తర్వాత ఇండియా వచ్చి ప్రాజెక్ట్‌ కె, రాజా సాబ్‌ షూటింగ్‌లో పాల్గొంటాడు. నాలుగు నెలల్లో ఈ రెండు సినిమాలు పూర్తయిపోతాయి. ఆ వెంటనే హను రాఘవపూడి డైరెక్షన్‌లో చేసే సినిమా సెట్స్‌కి వెళతాడు ప్రభాస్‌. ఈ సినిమాతోపాటు స్పిరిట్‌, సలార్‌2 చిత్రాలు కూడా ప్రభాస్‌ పూర్తి చెయ్యాల్సి ఉంది.